قازاقستان كونستيتۋتسيياسى ەڭ ٷزدٸك ەلەمدٸك تەجٸريبەنٸ, تاريحي جەنە ۇلتتىق دەستٷرلەردٸ جيناقتاپ, حالىقتىڭ بٸرلٸگٸ مەن مەملەكەت تەۋەلسٸزدٸگٸنٸڭ بەرٸك ٸرگەتاسى بولدى. بۇل پٸكٸردٸ قر پرەزيدەنتٸ جانىنداعى قازاقستاننىڭ ستراتەگييالىق زەرتتەۋلەر ينستيتۋتى اقپاراتتىق-تالداۋ جۇمىسى بٶلٸمٸنٸڭ باسشىسى اسارا مۇقانوۆا ايتتى, دەپ حابارلايدى قازاقپارات.
«بيىل قازاقستاننىڭ نەگٸزگٸ زاڭىنا 25 جىل تولادى. قازاقستان رەسپۋبليكاسىنىڭ كونستيتۋتسيياسى حالىقتىڭ ەرٸك-جٸگەرٸنٸڭ كٶرٸنٸسٸ بولا وتىرىپ, ەلدەگٸ بارلىق جەردە قايتا قۇرۋلاردىڭ نەگٸزٸن قالاپ, قوعامدى توپتاستىرۋدىڭ قۋاتتى ساياسي-قۇقىقتىق قۇرالىنا اينالدى. ول ۇلتتىق قۇقىقتىق جٷيەنٸ جالپى گۋمانيستٸك يدەيالار مەن كونستيتۋتسيوناليزمنٸڭ پوستۋلاتتارىنا سەيكەس دامىتۋدىڭ بەرٸك نەگٸزٸن قالادى. رەسپۋبليكا قىزمەتٸنٸڭ جالپىعا بٸردەي تانىلعان ماقساتتارى, پروگرەسسيۆتٸ جەنە دەموكراتييالىق قاعيداتتارى, قۇقىقتىڭ ٷستەمدٸگٸ, حالىقتىڭ ەگەمەندٸگٸ, مەملەكەتتٸك بيلٸكتٸڭ زاڭ شىعارۋشى, اتقارۋشى جەنە سوت تارماقتارىنا بٶلٸنۋٸمەن بٸرتۇتاستىعى, ادامنىڭ نەگٸزگٸ قۇقىقتارى مەن بوستاندىقتارىنىڭ تەڭدٸگٸ, مىزعىماستىعى جەنە كونستيتۋتسييادا بەكٸتٸلگەن باسقا دا نەگٸزگٸ قۇندىلىقتار قازٸرگٸ قازاقستاننىڭ تۇلعاسىن ەلەمدٸك قوعامداستىقتىڭ لايىقتى مٷشەسٸ رەتٸندە ايقىندايدى», - دەيدٸ ا. مۇقانوۆا.
ساراپشى بٸزدٸڭ تابىستارىمىز بەن جەتٸستٸكتەرٸمٸزدٸڭ ەلدٸڭ كونستيتۋتسييالىق دامۋىنىڭ ناقتى تەكسەرٸلگەن تۇجىرىمداماسىنىڭ ارقاسىندا مٷمكٸن بولعانىن اتاپ ٶتتٸ.
«ونىڭ اۆتورى جاڭا تەۋەلسٸز مەملەكەتتٸڭ نەگٸزٸن قالاۋشى – رەسپۋبليكانىڭ تۇڭعىش پرەزيدەنتٸ – ەلباسى نۇرسۇلتان نازارباەۆ, ول كونستيتۋتسييانىڭ كەپٸلٸ بولا وتىرىپ, حالىقتىڭ بٸرلٸگٸن, قوعامىمىزداعى كەلٸسٸم مەن تۇراقتىلىقتى قامتاماسىز ەتتٸ. قازاقستان كونستيتۋتسيياسى ەڭ ٷزدٸك ەلەمدٸك تەجٸريبە مەن پراكتيكانى, سونداي-اق تاريحي جەنە ۇلتتىق دەستٷرلەردٸ جيناقتاي وتىرىپ, حالىق بٸرلٸگٸ مەن مەملەكەتٸمٸزدٸڭ تەۋەلسٸزدٸگٸنٸڭ بەرٸك ٸرگەتاسى بولىپ تابىلادى. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ بٸزدٸڭ مەملەكەتٸمٸزدٸڭ نەگٸزٸ زاڭنىڭ ٷستەمدٸگٸنە, ادامنىڭ نەگٸزگٸ قۇقىقتارى مەن بوستاندىقتارىن قامتاماسىز ەتۋگە ۇمتىلۋ بولعانىن ەرەكشە اتاپ ٶتتٸ. بٸزدٸڭ كونستيتۋتسييامىز الداعى ۋاقىتتا دا ازاماتتارىمىزدىڭ مٷددەلەرٸنە تابىستى قىزمەت ەتٸپ, ەلٸمٸزدٸڭ ودان ەرٸ دامۋىنا ىقپال ەتەتٸن بولادى», - دەيدٸ اسارا مۇقانوۆا.
ەسكە سالا كەتسەك, 30 تامىزدا قازاقستان رەسپۋبليكاسى كونستيتۋتسيياسىنىڭ قابىلدانعانىنا 25 جىل تولادى.
.jpeg)