Qazaqstan kómirin eksportqa shyǵarý úshin temir jol sektorynda básekelestik jasaý kerek. Bul týraly Respýblikalyq taý-ken óndirýshi jáne taý-ken metallýrgiialyq kásiporyndar qaýymdastyǵynyń atqarýshy direktory Nikolai Radostovets aitty, dep habarlaidy QazAqparat.
«Eń bastysy temir jol sektorynda básekelestik jasaý qajet. Óitkeni, Qazaqstan temir joly - bul tek úlken kompaniia ǵana jáne barlyq ýaqytta bizdiń jańa ádisterimizde igere almai jatady. Aitalyq, qazir bizde Eýropadaǵy jetkizýshimen kelisimshart bar, al bir aidan keiin basqa óńirden jetkizýshi shyqty delik. Al QTJ bizge josparlary bar ekendigin, jetkize almaityndyǵyn aitady. Qazaqstanǵa básekelestik jasai alatyn ári tasymaldaý baǵasyn tómendetýge qaýqarly utqyr jekemenshik tasymaldaýshy qajet. Buǵan qosa, júkterimizdi Resei arqyly Eýropaǵa tasymaldai alý úshin «jasyl» dáliz kerek. Jáne de bizge Resei porttarynda logistikalyq ǵimarattar salýǵa ruqsat mindetti túrde bolýy tiis», - dedi ol elordada ótip jatqan Astana Mining & Metallurgy 11-shi taý-ken metallýrgiialyq kongresi aiasynda uiymdastyrylǵan brifingte.
Onyń túsindirýinshe, óitkeni, Qazaqstannyń teńizge shyǵar joly joq. Al júk tasymalynda porttarda elimizdiń logistikalyq ǵimarattarynyń bolýy óte mańyzdy.
«Bizge Resei arqyly kómir tasýǵa arnalǵan búgin bar da, erteń joq kvota kerek emes. Suranystaǵy qandai kólemdegi kómirdi jetkize alatyndyǵymyzǵa qatysty nyq senimdilik qajet. Kómirimizdi tek Eýropaǵa ǵana jetkizgimiz kelmeidi. Ýkrainadan da suranys joǵary. Qytai arqyly Aziiaǵa da shyǵarǵymyz keledi», - dedi Nikolai Radostovets.
