قازاقستان كٶمٸرٸن ەكسپورتقا شىعارۋ ٷشٸن تەمٸر جول سەكتورىندا بەسەكەلەستٸك جاساۋ كەرەك. بۇل تۋرالى رەسپۋبليكالىق تاۋ-كەن ٶندٸرۋشٸ جەنە تاۋ-كەن مەتاللۋرگييالىق كەسٸپورىندار قاۋىمداستىعىنىڭ اتقارۋشى ديرەكتورى نيكولاي رادوستوۆەتس ايتتى, دەپ حابارلايدى قازاقپارات.
«ەڭ باستىسى تەمٸر جول سەكتورىندا بەسەكەلەستٸك جاساۋ قاجەت. ٶيتكەنٸ, قازاقستان تەمٸر جولى - بۇل تەك ٷلكەن كومپانييا عانا جەنە بارلىق ۋاقىتتا بٸزدٸڭ جاڭا ەدٸستەرٸمٸزدە يگەرە الماي جاتادى. ايتالىق, قازٸر بٸزدە ەۋروپاداعى جەتكٸزۋشٸمەن كەلٸسٸمشارت بار, ال بٸر ايدان كەيٸن باسقا ٶڭٸردەن جەتكٸزۋشٸ شىقتى دەلٸك. ال قتج بٸزگە جوسپارلارى بار ەكەندٸگٸن, جەتكٸزە المايتىندىعىن ايتادى. قازاقستانعا بەسەكەلەستٸك جاساي الاتىن ەرٸ تاسىمالداۋ باعاسىن تٶمەندەتۋگە قاۋقارلى ۇتقىر جەكەمەنشٸك تاسىمالداۋشى قاجەت. بۇعان قوسا, جٷكتەرٸمٸزدٸ رەسەي ارقىلى ەۋروپاعا تاسىمالداي الۋ ٷشٸن «جاسىل» دەلٸز كەرەك. جەنە دە بٸزگە رەسەي پورتتارىندا لوگيستيكالىق عيماراتتار سالۋعا رۇقسات مٸندەتتٸ تٷردە بولۋى تيٸس», - دەدٸ ول ەلوردادا ٶتٸپ جاتقان Astana Mining & Metallurgy 11-شٸ تاۋ-كەن مەتاللۋرگييالىق كونگرەسٸ اياسىندا ۇيىمداستىرىلعان بريفينگتە.
ونىڭ تٷسٸندٸرۋٸنشە, ٶيتكەنٸ, قازاقستاننىڭ تەڭٸزگە شىعار جولى جوق. ال جٷك تاسىمالىندا پورتتاردا ەلٸمٸزدٸڭ لوگيستيكالىق عيماراتتارىنىڭ بولۋى ٶتە ماڭىزدى.
«بٸزگە رەسەي ارقىلى كٶمٸر تاسۋعا ارنالعان بٷگٸن بار دا, ەرتەڭ جوق كۆوتا كەرەك ەمەس. سۇرانىستاعى قانداي كٶلەمدەگٸ كٶمٸردٸ جەتكٸزە الاتىندىعىمىزعا قاتىستى نىق سەنٸمدٸلٸك قاجەت. كٶمٸرٸمٸزدٸ تەك ەۋروپاعا عانا جەتكٸزگٸمٸز كەلمەيدٸ. ۋكراينادان دا سۇرانىس جوعارى. قىتاي ارقىلى ازيياعا دا شىعارعىمىز كەلەدٸ», - دەدٸ نيكولاي رادوستوۆەتس.
