Foto: ashyq derekkóz
Qazaqstannyń kómir ónerkásibi eldiń energetikalyq qaýipsizdigin qamtamasyz etýde negizgi ról atqarýdy jalǵastyrýda. Sala ishki naryqty turaqty qamtamasyz etip, eksporttyq áleýetti damytý arqyly kómir óndirý kóleminiń turaqty ósimin kórsetip otyr, dep habarlaidy Ult.kz.
2025 jyldyń qorytyndysy boiynsha Qazaqstanda kómir óndirý kólemi 115 mln tonnany qurap, 2024 jylmen salystyrǵanda 7%-ǵa ósti. Onyń ishinde 85 mln tonna kómir ishki tutyný men kommýnaldyq-turmystyq qajettilikterge baǵyttalsa, eksport kólemi 30 mln tonnany qurady.
Qazaqstan kómiriniń negizgi eksporttyq baǵyttary: Resei, Polsha, Ózbekstan, Túrkiia, Úndistan, Malaiziia jáne basqa da elder.
2026 jyly kómir óndirý kólemin 128,9 mln tonna deńgeiine jetkizý josparlanyp otyr. Qazir kómir óndirýmen 40 jer qoinaýyn paidalanýshy ainalysady.
Energetika ministrligi kómir salasyna investitsiia tartý boiynsha júieli jumys júrgizýde. 2025 jyly kelisimsharttarǵa sáikes jumys baǵdarlamalary aiasyndaǵy investitsiia kólemi 305 mlrd teńgeni qurasa, 2026 jyly 553 mlrd teńge investitsiia tartý kútilýde.
Geologiialyq barlaý jumystaryn damytýǵa erekshe nazar aýdarylýda. Biylǵy jyldyń sońyna deiin 10 jer qoinaýy ýchaskesi boiynsha kómir ken oryndaryna jer qoinaýyn paidalaný quqyqtaryn berý jóninde aýktsion ótkizý josparlanǵan.
Eske salsaq, Qazaqstan kómir qory boiynsha álemdegi jetekshi elderdiń qataryna kiredi jáne dúniejúzinde 10-orynda tur. Jalpy kómir qory 33,6 mlrd tonnany quraidy. Qazirgi óndirý kólemin eskersek, bul qor eldi 300 jyldan astam ýaqytqa jetkilikti resýrspen qamtamasyz etedi.
