Foto: QR OAM
Jumysshy mamandyqtary jyly aiasynda tehnikalyq jáne kásiptik bilim alýshylardyń kásibi daǵdylaryn tanýdyń jańa quraly engizilýde, dep habarlaidy Ult.kz QR Oqý-aǵartý ministrliginiń baspasóz qyzmetine silteme jasap.
Halyqaralyq sertifikattaý júiesi Certiport platformasy negizinde iske qosylyp, qazirgi tańda pilottyq rejimde elimizdiń bes kolledjinde qoljetimdi. Qazaqstandaǵy alǵashqy resmi testileý ortalyǵy (CATC) «Talap» KEAQ bazasynda ashyldy.
Certiport — bul tsifrlyq tehnologiialar men keńse baǵdarlamalary salasynda kásibi sertifikattaýǵa baǵyttalǵan halyqaralyq platforma. Ol bilim berý salasyndaǵy álemdik kóshbasshylardyń biri — Ulybritaniialyq Pearson kompaniiasynyń quramyna kiredi.
Certiport sertifikattary álemniń 152 elinde tanylǵan, olardyń qatarynda — AQSh, Kanada, Eýropa, Aziia, Avstraliia jáne Taiaý Shyǵys elderi bar.
Bul qazaqstandyq kolledj stýdentteriniń óz daǵdylaryn halyqaralyq standarttar boiynsha dáleldep, sheteldik jumys berýshiler tarapynan tanylýyna, shetelde taǵylymdamadan ótip, jumys tabýda artyqshylyqqa ie bolýyna jáne jahandyq eńbek naryǵyna shyǵýyna múmkindik beredi.
«Qazirgi tańda kolledj túlekterine tek diplom emes, naqty daǵdylaryn rastaýy da qajet bolýda. Halyqaralyq sertifikattaý olarǵa Qazaqstanda da, shetelde de jańa mansaptyq múmkindikter ashady», — dedi QR Oqý-aǵartý ministrliginiń tehnikalyq jáne kásiptik bilim berý departamentiniń direktory Áset Muhanbetov.
Atalǵan emtihan sessiiasy ASTANA POLYTECHNIC joǵarǵy kolledji bazasynda ótti. Nátijesinde tórt stýdent óz kásibi quzyretterin rastap, halyqaralyq sertifikattarǵa ie boldy. Olardyń qatarynda kiberqaýipsizdik salasyndaǵy IT-mamandar: Dmitrii Karpiýk, Arsenii Tsyplakov, Rashid Hismatýllin, sondai-aq JavaScript boiynsha IT-maman — Ádemi Qabdolla bar.
.jpeg)