​​قازاقستان كوللەدجدەرٸندە العاش رەت ستۋدەنتتەردٸ حالىقارالىق سەرتيفيكاتتاۋ باستالدى

فوتو: قر وام

جۇمىسشى ماماندىقتارى جىلى اياسىندا تەحنيكالىق جەنە كەسٸپتٸك بٸلٸم الۋشىلاردىڭ كەسٸبي داعدىلارىن تانۋدىڭ جاڭا قۇرالى ەنگٸزٸلۋدە, دەپ حابارلايدى Ult.kz قر وقۋ-اعارتۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.

حالىقارالىق سەرتيفيكاتتاۋ جٷيەسٸ Certiport پلاتفورماسى نەگٸزٸندە ٸسكە قوسىلىپ, قازٸرگٸ تاڭدا پيلوتتىق رەجيمدە ەلٸمٸزدٸڭ بەس كوللەدجٸندە قولجەتٸمدٸ. قازاقستانداعى العاشقى رەسمي تەستٸلەۋ ورتالىعى (CATC) «Talap» كەاق بازاسىندا اشىلدى.

Certiport — بۇل تسيفرلىق تەحنولوگييالار مەن كەڭسە باعدارلامالارى سالاسىندا كەسٸبي سەرتيفيكاتتاۋعا باعىتتالعان حالىقارالىق پلاتفورما. ول بٸلٸم بەرۋ سالاسىنداعى ەلەمدٸك كٶشباسشىلاردىڭ بٸرٸ — ۇلىبريتانييالىق Pearson كومپانيياسىنىڭ قۇرامىنا كٸرەدٸ.

Certiport سەرتيفيكاتتارى ەلەمنٸڭ 152 ەلٸندە تانىلعان, ولاردىڭ قاتارىندا — اقش, كانادا, ەۋروپا, ازييا, اۆسترالييا جەنە تاياۋ شىعىس ەلدەرٸ بار.

بۇل قازاقستاندىق كوللەدج ستۋدەنتتەرٸنٸڭ  ٶز داعدىلارىن حالىقارالىق ستاندارتتار بويىنشا دەلەلدەپ, شەتەلدٸك جۇمىس بەرۋشٸلەر تاراپىنان تانىلۋىنا, شەتەلدە تاعىلىمدامادان ٶتٸپ, جۇمىس تابۋدا ارتىقشىلىققا يە بولۋىنا جەنە جاھاندىق ەڭبەك نارىعىنا شىعۋىنا مٷمكٸندٸك بەرەدٸ.

«قازٸرگٸ تاڭدا كوللەدج تٷلەكتەرٸنە تەك ديپلوم ەمەس, ناقتى داعدىلارىن راستاۋى دا قاجەت بولۋدا. حالىقارالىق سەرتيفيكاتتاۋ ولارعا قازاقستاندا دا, شەتەلدە دە جاڭا مانساپتىق مٷمكٸندٸكتەر اشادى», — دەدٸ قر وقۋ-اعارتۋ مينيسترلٸگٸنٸڭ تەحنيكالىق جەنە كەسٸپتٸك بٸلٸم بەرۋ دەپارتامەنتٸنٸڭ ديرەكتورى ەسەت مۇحانبەتوۆ.

اتالعان ەمتيحان سەسسيياسى ASTANA POLYTECHNIC جوعارعى كوللەدجٸ بازاسىندا ٶتتٸ. نەتيجەسٸندە تٶرت ستۋدەنت ٶز كەسٸبي قۇزىرەتتەرٸن راستاپ, حالىقارالىق سەرتيفيكاتتارعا يە بولدى. ولاردىڭ قاتارىندا كيبەرقاۋٸپسٸزدٸك سالاسىنداعى IT-ماماندار: دميتريي كارپيۋك, ارسەنيي تسىپلاكوۆ, راشيد حيسماتۋللين, سونداي-اق JavaScript بويىنشا IT-مامان — ەدەمٸ قابدوللا بار.