Qazaqstan bolashaq iadrosyz ǵalamshardy qamtamasyz etý jónindegi ujymdyq kúsh-jigerge iritki salatyn Pheniannyń jaýapsyz saiasatyn jáne onyń arandatýshylyq áreketterin jalpy aiyptaýlarǵa qosylady, dep málimdedi BUU Qaýipsizdik Keńesiniń 5 tamyzdaǵy otyrysynyń barysynda Qazaqstan ókili. Bul týraly QR Syrtqy ister ministrliginiń resmi saitynda habarlandy.
«KHDR zymyrandyq jáne iadrolyq baǵdarlamalary barlyq múddeli taraptarǵa kelissózder protsesin jedel qalpyna keltirý jolymen ózara qolaily sheshimdi izdestirý jónindegi birlesken kúsh-jigerdi jandandyrý qajettigin talap etedi. Qazaqstandyq diplomatiia problemany kúshpen emes, dialog arqyly ǵana sheship, qalyptasqan jaǵdaidan shyǵýǵa bolady dep esepteidi», - deidi Qazaqstannyń málimdemesi.
BUU-nyń Qaýipsizdik Keńesi otyrysta KHDR-dyń BUU QK barlyq tiisti qararlaryn buzyp, iadrolyq baǵdarlamany iske asyrýdy jalǵastyrýyna jaýap retinde oǵan qatysty jańa qarardy biraýyzdan qabyldady.
2371 qarar (2017) ballistikalyq zymyrandy synaýǵa jaýap retinde qoldanylatyn eń qatań sanktsiialardy qamtidy. Bul sharalar Soltústik Koreianyń negizgi eksportyna baǵyttalady, ol kómirdiń (Soltústik Koreianyń syrtqy túsiminiń asa iri kózi), temir rýdasynyń, qorǵasynnyń, qorǵasyn rýdasynyń jáne teńiz ónimderiniń eksportyna tolyq tyiym salady. Budan basqa, qarar BUU QK-niń buǵan deiin qabyldaǵan qararlaryn buzýǵa qatysy bar KHDR jeke jáne zańdy tulǵalarynyń sanktsiialyq tizimin keńeitedi.
Buryn sońdy bolyp kórmegen sanktsiialyq sharalar Soltústik Koreianyń iadrolyq baǵdarlamasyn damytýdy jalǵastyrýǵa arnalǵan qarjylyq múmkindikterdi shekteý maqsatynda onyń valiýtalyq kirisin qysqartýǵa (shamamen úshten birine) arnalady.
