Qazaqstan 2018/2019 Kiberqaýipsizdiktiń jahandyq indeksinde byltyrǵy reitingpen salystyrǵanda (82-oryn) 42-tarmaqqa kóterilip, 40-oryndy ielendi. Bul týraly Tsifrlyq damý, qorǵanys jáne aeroǵarysh ónerkásibi ministrliginiń baspasóz qyzmeti habarlaidy.
Halyqaralyq elektrobailanys odaǵynyń (ITU) esebine sáikes, memleket kiberkeńistikten shyǵatyn, qaýipterge qarsy turý daiyndyq deńgeii joǵary memleketter tizimine kirdi.
Reitingtiń birinshi jáne ekinshi pozitsiiasyna sáikesinshe Ulybritaniia (1) jáne AQSh (2), eń sońǵy - Maldiv (175) ornalasty.
QR TsDQAÓM Aqparattyq qaýipsizdik komitetiniń tóraǵasy Dmitrii Golobýrdanyń sózinshe, «kiberqaýipsizdiktiń indeksinde el pozitsiiasynyń jaqsarýyna memlekettik organdardyń, úkimettik emes uiymdardyń jáne biznestiń birikken jumysy áser etti. Sońǵy birneshe jylda aqparattyq qaýipsizdik salasynyń keń damýynyń irgetasy qalandy deýge bolady».
Atap aitqanda, sońǵy eki jylda Qazaqstanda eldiń kiberqaýipsizdik salasyn damytý boiynsha bazalyq tujyrymdamalyq tásilder ázirlendi, birqatar zańnamalyq aktiler, «Qazaqstannyń Kiberqalqany» Kiberqaýipsizdik tujyrymdamasy, kóptegen salalyq buiryqtar ázirlendi jáne bekitildi. Budan basqa, ziiandy kodty zertteý boiynsha, AQ salyndaǵy synaq zerthanalary quryldy, aqparattyq qaýipsizdiktiń ulttyq úilestirý ortalyǵy iske qosyldy, atalǵan mamandyq boiynsha granttar sany artty jáne basqa da sharalar.
Halyqaralyq elektrobailanys odaǵy (ITU) kiberqaýipsizdik indeksin anyqtaý boiynsha zertteýdi jyl saiyn ótkizetin atap ótemiz. Zertteý memleketterdiń kiberqaýipsizdik deńgeiin bes negizgi ólshemsharttar boiynsha baǵalaidy: zańnamalyq baza, tehnikalyq jáne uiymdastyrý is-sharalary, halyqaralyq arenadaǵy qyzmet jáne salany damytý áleýetin qurý.
