Búgin, 10 aqpanda elordada shaibaly hokkeiden Qazaqstan Hockey Open-2021 týrniri jalaýyn kóterdi. Alǵashqy oiynda Qazaqstan jáne Belarýs quramalary kezdesti, dep habarlaidy "Ult aqparat".
Aita keteiik, dúbirli doda tuńǵysh márte ret ótkizilýde. Onda Qazaqstan, Resei, Belarýs quramalary ózara baq synaidy.
Búgingi kezdesýde qazaqstandyq hokkeishiler jinaqy qimyl kórsetti. Alǵashqy eki kezeńde qarsylastar qaqpasyna tórt shaiba soǵyp ketti.
Birinshi kezeńniń 8-minýtynda Egor Petýhov mergendigimen kózge tússe, arada on sekýnd ótkende Pavel Akolzin esepti ulǵaittty.
Ekinshi kezeńde aldymen Kirill Paniýkov 29-minýtta qaqpany dál kózdese, 38-minýtta Álihan Ásetov kózdegen nysanadan múlt ketken joq.
Úshinshi kezeńde Belarýs quramasynan Ivan Drozdov 47, Evgenii Nogachev 48-minýtta qazaqstandyqtar qaqpasyna qos shaiba soǵyp ketti.
Al 49-minýtta oǵan Kirill Paniýkov bir shaibamen jaýap berdi.
Osylaisha Qazaqstan quramasy Belarýsti 5:2 esebimen basym tústi.
Endi Qazaqstan quramasy 12 aqpanda Reseimen kezdesedi.
Al 11 aqpanda Qazaqstan men Resei quramalary sheberlik baiqasady.
