Qazaqstan quramasy (U-20) hokkeiden jastar arasyndaǵy Álem chempionaty-2022-niń birinshi divizionynda úshinshi matchyn ótkizdi, dep habarlaidy QazAqparat Sports.kz saityna silteme jasap.
A tobyndaǵy úshinshi oiynda Qazaqstan Daniiany 4:1 esebimen jeńdi.
32-minýtta Konstantin Morojnikov el quramasyn alǵa shyǵardy, 34-te ol dýbl jasady. Alaida dattyqtar birden bir shaibanyń esesin qaitardy, mergendik kórsetken – Lýkas Bang.
Kóp uzamai qazaqstandyqtar taǵy bir shaiba soǵyp, basymdyǵyn qaitara aldy: 45-minýtta Rýslan Ospanovtyń soqqysy nátijeli boldy. Al oiyn núktesin 60-minýtta Nikolai Shýlga qoidy.
Osylaisha, Qazaqstannyń jastar quramasy týrnir aiasyndaǵy eki matchta jeńiske jetti: buǵan deiin olar Majarstandy (3:1) jeńdi. Odan keiin Norvegiiaǵa iri eseppen ese jiberip aldy (2:5).
16 jeltoqsanda Qazaqstan Belarýspen oinaidy, 18 jeltoqsanda – Latviiamen.
