قازاقستان قۇراماسى (U-20) حوككەيدەن جاستار اراسىنداعى ەلەم چەمپيوناتى-2022-نٸڭ بٸرٸنشٸ ديۆيزيونىندا ٷشٸنشٸ ماتچىن ٶتكٸزدٸ, دەپ حابارلايدى قازاقپارات Sports.kz سايتىنا سٸلتەمە جاساپ.
ا توبىنداعى ٷشٸنشٸ ويىندا قازاقستان دانييانى 4:1 ەسەبٸمەن جەڭدٸ.
32-مينۋتتا كونستانتين موروجنيكوۆ ەل قۇراماسىن العا شىعاردى, 34-تە ول دۋبل جاسادى. الايدا داتتىقتار بٸردەن بٸر شايبانىڭ ەسەسٸن قايتاردى, مەرگەندٸك كٶرسەتكەن – لۋكاس بانگ.
كٶپ ۇزاماي قازاقستاندىقتار تاعى بٸر شايبا سوعىپ, باسىمدىعىن قايتارا الدى: 45-مينۋتتا رۋسلان وسپانوۆتىڭ سوققىسى نەتيجەلٸ بولدى. ال ويىن نٷكتەسٸن 60-مينۋتتا نيكولاي شۋلگا قويدى.
وسىلايشا, قازاقستاننىڭ جاستار قۇراماسى تۋرنير اياسىنداعى ەكٸ ماتچتا جەڭٸسكە جەتتٸ: بۇعان دەيٸن ولار ماجارستاندى (3:1) جەڭدٸ. ودان كەيٸن نورۆەگيياعا ٸرٸ ەسەپپەن ەسە جٸبەرٸپ الدى (2:5).
16 جەلتوقساندا قازاقستان بەلارۋسپەن وينايدى, 18 جەلتوقساندا – لاتۆييامەن.
