Qazaqstan Halyqaralyq seismikaǵa tózimdi qurylystyń halyqaralyq qaýymdastyǵyna (IAEE) múshe boldy, dep habarlaidy "Ult aqparat".
«Qazaqstannyń IAEE quramyna enýi seismikalyq qaýipsizdik salasyndaǵy ozyq ázirlemeler men tehnologiialarǵa qol jetkizýin qamtamasyz etedi. IAEE quramyna kirý týraly ótinimdi Qurylys jáne sáýlet ǵylymi - zertteý jáne jobalaý institýtynyń («QazQSǴZI» AQ) bazasynda qurylǵan «Qazaqstan Respýblikasy seismikaǵa tózimdi qurylys qaýymdastyǵy» berdi. IAEE talaptaryna sáikes, múshelikke engizý jónindegi ótinish 6 ai ishinde qaraldy, sodan keiin IAEE atqarý komitetiniń otyrysynda Qazaqstanǵa ulttyq delegat mártebesi berildi», - delingen QR IIDM málimetinde.
Aita keteiik, IAEE múshesi bolý qazaqstandyq mamandarǵa seismikalyq qaýipsizdikti qamtamasyz etýde halyqaralyq tájiribe almasýǵa, jańa qurylys tehnologiialaryn zerteýge jáne qoldanýǵa, jas mamandardy birlesip oqytýǵa, birlesken zattai synaýlar uiymdastyrýǵa múmkindik beredi. Jalpy onyń quramyna 59 memleket enip otyr.
Halyqaralyq seismikaǵa tózimdi qurylys qaýymdastyǵy (IAEE) - bul kommertsiialyq emes uiym, onyń ishinde seismikalyq tózimdi qurylys boiynsha álemniń ulttyq qoǵamdarynyń ókilderi bar.
Uiym 1963 jyldyń aqpan aiynda Tokioda qurylǵan.
