Qazaqstan halyq partiiasynyń kezekten tys XVI sezi barysynda QR Parlamenti Májilisine depýtattyqqa kandidattardyń partiialyq tizimi bekitildi, dep habarlaidy "Ult aqparat".
«Biz saiasi shoý jasaýdan aýlaq boldyq. Bul turǵyda kásibi bilikti adamdardy tańdaýǵa, olardyń eńbegi men jetistigine qaraýǵa mán berdik. Atap aitqanda, depýtattyq mindetin adal atqaratyndardy, qiyndyqtarǵa moiymaityn azamattardy irikteimiz», - dedi partiia hatshysy Jambyl Ahmetbekov.
Osy oraida ol atalǵan tizimge partiia jumysynda ózin kásibi biliktiligi jaǵynan kórsete alǵan adamdar engenin atap ótti.
«Bizdiń partiia Májilis jáne máslihat sailaýyna qatysady. Qazaqstan halqy bizdiń ideialar men bastamalardy qoldaidy dep úmittenemiz. 125 adam tańdaldy, onyń ishinde erlerdiń úlesi 89 adam nemese 71,2 paiyzy, al áielder 36 adam nemese 28,8 paiyzy. Jastardyń úlesi 7,2 paiyz, iaǵni 9 adam endi. Nátijesinde, biz zańǵa sáikes kvotany eskerip otyrmyz, bul rette 36 paiyz boldy. Kandidattardyń ortasha jasy - 46-da», - dedi J. Ahmetbekov.
Tizimge engen kandidattarmen osy jerden tanysa alasyzdar
