Foto: © Sputnik / Bolat Shaihinov
Ulttyq statistika biýrosy Qazaqstandaǵy halyq sany týraly jańarǵan málimetti usyndy, - dep habarlaidy Tengrinews.kz saity.
Vedomstvo málimetinshe, 2023 jylǵy 1 mamyrdaǵy jaǵdai boiynsha eldegi halyq sany 19 million 854 myń adam, qala halqy – 12 million 276,3 myń, aýyl halqy – 7 million 577,7 myń adam boldy. 2021 jylǵy 1 sáýirmen salystyrǵanda halyq sany 238,3 myń adamǵa nemese 1,3 paiyzǵa ósken.
Resmi málimet boiynsha, 2023 jyldyń 1 qańtaryndaǵy jaǵdai boiynsha Qazaqstanda 19 million 765 myń 4 adam bolǵan. 2023 jyldyń 1 mamyrynda halyq sany 19 million 854 myń 83 adamǵa jetti. Alty aida halyqtyń jalpy ósimi 89 myń 79 adam boldy.
Almaty qalasy halyq sanynyń eń kóp ósimin kórsetti, osy kezeńde halyq sany 17 myń 771 adamǵa ósti. Ekinshi orynda Astana qalasy tur, onda halyq ósimi 16 myń 802 adamdy kórsetti. Odan keiingi orynda Túrkistan oblysy – 10 myń 427 turǵynǵa artty. Bul rette Astanada halyq sanynyń ósý qarqyny eń joǵary – 1,24 paiyz bolyp otyr.
Teris demografiialyq kórsetkishter Aqtóbe, Qaraǵandy, Qostanai, Pavlodar, Soltústik Qazaqstan, Aqmola, Shyǵys Qazaqstan sondai-aq Abai jáne Jetisý oblystarynda baiqalady.
