قازاقستان حالقىنىڭ سانى تۋرالى مەلٸمەت جاڭاردى

فوتو: © Sputnik / بولات شايحينوۆ 

ۇلتتىق ستاتيستيكا بيۋروسى قازاقستانداعى حالىق سانى تۋرالى جاڭارعان مەلٸمەتتٸ ۇسىندى, - دەپ حابارلايدى Tengrinews.kz سايتى.

ۆەدومستۆو مەلٸمەتٸنشە, 2023 جىلعى 1 مامىرداعى جاعداي بويىنشا ەلدەگٸ حالىق سانى 19 ميلليون 854 مىڭ ادام, قالا حالقى – 12 ميلليون 276,3 مىڭ, اۋىل حالقى – 7 ميلليون 577,7 مىڭ ادام بولدى. 2021 جىلعى 1 سەۋٸرمەن سالىستىرعاندا حالىق سانى 238,3 مىڭ ادامعا نەمەسە 1,3 پايىزعا ٶسكەن.

رەسمي مەلٸمەت بويىنشا, 2023 جىلدىڭ 1 قاڭتارىنداعى جاعداي بويىنشا قازاقستاندا 19 ميلليون 765 مىڭ 4 ادام بولعان. 2023 جىلدىڭ 1 مامىرىندا حالىق سانى 19 ميلليون 854 مىڭ 83 ادامعا جەتتٸ. التى ايدا حالىقتىڭ جالپى ٶسٸمٸ 89 مىڭ 79 ادام بولدى.

الماتى قالاسى حالىق سانىنىڭ ەڭ كٶپ ٶسٸمٸن كٶرسەتتٸ, وسى كەزەڭدە حالىق سانى 17 مىڭ 771 ادامعا ٶستٸ. ەكٸنشٸ ورىندا استانا قالاسى تۇر, وندا حالىق ٶسٸمٸ 16 مىڭ 802 ادامدى كٶرسەتتٸ. ودان كەيٸنگٸ ورىندا تٷركٸستان وبلىسى – 10 مىڭ 427 تۇرعىنعا ارتتى. بۇل رەتتە استانادا حالىق سانىنىڭ ٶسۋ قارقىنى ەڭ جوعارى – 1,24 پايىز بولىپ وتىر.

تەرٸس دەموگرافييالىق كٶرسەتكٸشتەر اقتٶبە, قاراعاندى, قوستاناي, پاۆلودار, سولتٷستٸك قازاقستان, اقمولا, شىعىس قازاقستان سونداي-اق اباي جەنە جەتٸسۋ وبلىستارىندا بايقالادى.