1 sáýirdegi jaǵdai boiynsha, Qazaqstandaǵy adam sany 19 178,8 myńǵa jetti, - dep habarlaidy Tengrinews.kz tilshisi Strategiialyq josparlaý jáne reformalar agenttigi Ulttyq statistika biýrosyna silteme jasap.
Qalalyqtar sany - 11 419,8 myń (59,5 paiyz), aýyldyqtar - 7 759 myń adam (40,5 paiyz). 2021 jylǵy 1 sáýirmen salystyrǵanda halyq sany 238,3 myń adamǵa nemese 1,3 paiyz ósti.
2022 jylǵy qańtar-naýryzda respýblika halqynyń tabiǵi ósimi 2021 jylǵy qańtar-naýryzben salystyrǵanda (64,3 myń adam) 10,6 paiyzǵa kemip, 57,5 myń adam boldy. Tabiǵi ósimniń jalpy koeffitsienti 1000 adamǵa shaqqanda - 12,13 adam.
AHAT organdary usynǵan azamattyq hal aktileri jazbalaryndaǵy málimetterdi óńdeý nátijesinde, 2022 jylǵy qańtar-naýryzda týǵandar sany 95,6 myń adamǵa jetti, bul 2021 jylǵy qańtar-naýryzǵa (100,5 myń adam) qaraǵanda 4,8 paiyz az.
Qarastyrylyp otyrǵan kezeńde qaitys bolǵandar sany - 38,1 myń, bul 2021 jylǵy qańtar-naýryzǵa (36,1 myń adam) qaraǵanda 5,4 paiyzǵa kóp.
2022 jylǵy qańtar-naýryzda respýblikada 1 jasqa deiin shetinegen 828 náreste tirkeldi. 2021 jylǵy kezeńmen salystyrǵanda (815 shetinegen náreste) 1,6 paiyzǵa artty.
