Biyl qyrkúiekte Qazaqstan halqynyń sany 18 mln 785 myń adamǵa jetti. Bul týraly QR UEM Statistika komitetinen málim etti, dep habarlaidy "Ult aqparat".
«2020 jylǵy 1 qyrkúiekke elimizdegi halyq sany 18 785,0 myń adamdy qurady. Onyń ishinde qalalyqtar – 11066,2 myń (58,9 paiyz), aýyldyqtar – 7718,8 myń adam (41,1%)», - delingen taratylǵan aqparatta.
Komitet málimetinshe, byltyrǵy jylǵy 1 qyrkúiekpen salystyrǵanda halyq sany 237,5 myń adamǵa nemese 1,3 paiyzǵa ósti. Eń kóp jalpy ósim elimizdiń 3 óńirinde: Almaty (63,1 myń adam), Nur-Sultan (50,0 myń adam) jáne Shymkent (31,8 myń adam) qalalarynda boldy.
