Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

"Qazaqstan halqyna" qoryna qansha qarjy túskeni jariialandy

Ult portaly
"Qazaqstan halqyna" qoryna qansha qarjy túskeni jariialandy


16-27 qańtar aralyǵynda "Qazaqstan halqyna" qoǵamdyq qoryna qazaqstandyqtardan qansha aqsha túskeni belgili boldy. Bul týraly qordyń baspasóz qyzmeti ókili aitty, - dep habarlaidy Tengrinews.kz.

Qor ókili Prezident Qasym-Jomart Toqaevtyń densaýlyq saqtaý, bilim berý, áleýmettik sala, mádeniet jáne sport salasyndaǵy máselelerdi sheshý jónindegi bastamasyn qoldaǵan qazaqstandyqtarǵa, iri kásiporyndar men eńbek ujymdaryna alǵys bildirdi.

"2022 jylǵy 16-27 qańtar aralyǵynda qorǵa 52 milliard teńgeden asa qarjy tústi. Qor jylyna keminde 100 milliard teńge mólsherinde qarajat jinaidy dep josparlanyp otyr. Boljamǵa sáikes, sheteldik jáne halyqaralyq kompaniialardan qarajat túsedi dep boljap otyrmyz", - delingen habarlamada.

Eske salaiyq, budan buryn "Qazaqstan halqyna" qoryna myna JShS-niń "qaiyrymdylyqqa qosqan eleýli úlesi" aitylǵan bolatyn:

Kaz Minerals Aktogay - 6,2 milliard teńge;

Kaz Minerals Bolzshakol - 6,2 milliard teńge;

Kazakhmys Smelting - 5 milliard teńge;

"Vostoktsvetmet" - 3,1 milliard teńge;

"SÁBI" jeke qaiyrymdylyq qory - 1 milliard teńge;

"Astana-Motors" motor kompaniiasy - 550 million teńge;

BI-Development - 300 million teńge;

"Saryarqaavtoprom" - 250 million teńge;

Nak Development - 100 million teńge.

Aita ketý kerek, buǵan deiin «Nur Otan» partiiasynyń sezinde sóilegen sózinde Prezident Qasym-Jomart Toqaev "Qazaqstan halqyna" qoryna qaiyrymdylyq jasaýǵa asyqpaityn iri kásipkerlerge qatań eskertý jasady.

"Oligopoliia quramyna kiretin biznestegi keibir tanymal adamdar Memleket basshysy bastaǵan qaiyrymdylyq aktsiiasyna qatysýǵa asyqpaidy. Bul ashkózdik, ádepsizdik nemese nemqurailylyq pa? Bul suraqqa jaýap alý úshin memlekettiń ókilettiligi bar", - dedi Prezident.

Eske salaiyq, 11 qańtarda Prezident densaýlyq saqtaý, bilim berý, áleýmettik sala, mádeniet jáne sport salalaryndaǵy máselelerdi sheshý úshin "Qazaqstan halqyna" qoǵamdyq áleýmettik qoryn qurýdy tapsyrǵan bolatyn.

"Bul - barlyq qazaqstandyqtyń qory. Bul - halyqtyń qory. Ol ákimshilik nemese Úkimet janynda jumys istemeidi", - dedi Memleket basshysy.

Oqi otyryńyz