Foto: Tengrinews.kz
Memleket basshysy Qasym-Jomart Toqaev Májilis otyrysynda «Qazaqstan halqyna» qoǵamdyq áleýmettik qory qurylatynyn, onda qai sanatqa kómek kórsetiletinin aitty, dep habarlaidy QazAqparat.
«Qazaqstan — Konstitýtsiia boiynsha áleýmettik memleket. Memleket az nárse tyndyryp jatqan joq. Respýblikalyq biýdjettiń 50 protsentten astamyn áleýmettik shyǵyndar quraidy. Biraq bul jetkiliksiz. Bizde ulttyq qor bar, ol – elimizdiń qarjylyq tiregi. Búgin «Qazaqstan halqyna» qoǵamdyq álemýettik qoryn qurýdy tapsyramyn. Ol densaýlyq saqtaý, bilim berý, áleýmettik qoldaý salalaryndaǵy ózekti máselelerdi sheshýge kómektesedi», - dedi Memleket basshysy.
Mysaly osy qor qarajatynan sirek aýrýǵa shaldyqqan balalarǵa kómek kórsetiledi, óitkeni kóptegen otbasylar emdeý aqysyn kótere almaidy.
«Qalalarda, aýdandar men aýyldarda balalarǵa sporttyq nysandar salynady. Daryndy balalarǵa kómek kórsetemiz. Mádenietti qoldaimyz, Almaty qalasyna qatigez tragediiadan keiin ońalýyna kómektesemiz. Osy qor esebinen qaza tapqan politseiler men áskeri qyzmetshilerdiń otbasylaryna qoldaý kórsetemiz. Bul jekelegen mysaldar ǵana», - dedi Prezident.
