«Qazaqstan halqyna» qoǵamdyq qory qarjylandyratyn bilim granttaryn 771 talapker aldy, dep habarlaidy QazAqparat qordyń saityna silteme jasap.
««Qazaqstan halqyna» qoǵamdyq qory bilim berý granttary qaiyrymdylyq baǵdarlamasy aiasynda granttardy bólý jónindegi táýelsiz komissiia joǵary oqý oryndarynyń aqyly bólimderinde bilim alatyn 771 stýdenttiń ótinimin maquldady.
Sonymen qatar, bólinbegen granttardy jáne stýdentterdiń ótinimderdi qabyldaý merzimin uzartý týraly kóptegen ótinishin eskere otyryp, «Qazaqstan halqyna» qory qosymsha baiqaý jariialaý týraly sheshim qabyldady. Baiqaý 2022 jyldyń 8-20 qyrkúiegi aralyǵynda júrgiziledi», - dep kórsetilgen qordyń resmi saityndaǵy habarlamada.
Eske salaiyq, búgin 125 myń qazaqstandyq el kolledjderinde oqýǵa grant alǵanyn habarlap edik. Biyl oqýǵa túsken stýdentterdiń kópshiligi injeneriia, bilim berý, qurylys, týrizm, qonaq úi biznesi siiaqty salalardy tańdaǵan.
