«قازاقستان حالقىنا» قوعامدىق قورى قارجىلاندىراتىن بٸلٸم گرانتتارىن 771 تالاپكەر الدى, دەپ حابارلايدى قازاقپارات قوردىڭ سايتىنا سٸلتەمە جاساپ.
««قازاقستان حالقىنا» قوعامدىق قورى بٸلٸم بەرۋ گرانتتارى قايىرىمدىلىق باعدارلاماسى اياسىندا گرانتتاردى بٶلۋ جٶنٸندەگٸ تەۋەلسٸز كوميسسييا جوعارى وقۋ ورىندارىنىڭ اقىلى بٶلٸمدەرٸندە بٸلٸم الاتىن 771 ستۋدەنتتٸڭ ٶتٸنٸمٸن ماقۇلدادى.
سونىمەن قاتار, بٶلٸنبەگەن گرانتتاردى جەنە ستۋدەنتتەردٸڭ ٶتٸنٸمدەردٸ قابىلداۋ مەرزٸمٸن ۇزارتۋ تۋرالى كٶپتەگەن ٶتٸنٸشٸن ەسكەرە وتىرىپ, «قازاقستان حالقىنا» قورى قوسىمشا بايقاۋ جارييالاۋ تۋرالى شەشٸم قابىلدادى. بايقاۋ 2022 جىلدىڭ 8-20 قىركٷيەگٸ ارالىعىندا جٷرگٸزٸلەدٸ», - دەپ كٶرسەتٸلگەن قوردىڭ رەسمي سايتىنداعى حابارلامادا.
ەسكە سالايىق, بٷگٸن 125 مىڭ قازاقستاندىق ەل كوللەدجدەرٸندە وقۋعا گرانت العانىن حابارلاپ ەدٸك. بيىل وقۋعا تٷسكەن ستۋدەنتتەردٸڭ كٶپشٸلٸگٸ ينجەنەرييا, بٸلٸم بەرۋ, قۇرىلىس, تۋريزم, قوناق ٷي بيزنەسٸ سيياقتى سالالاردى تاڭداعان.
