Aqparat jáne qoǵamdyq damý ministrliginiń bastamasymen balalarǵa arnalǵan Qazaqstan halqynyń ertegiler jinaǵy jaryq kórdi, dep habarlaidy "Ult aqparat" atalmysh vedomostvonyń Facebook-taǵy paraqshasyna silteme jasap.
Elimizdiń túrli etnostarynyń ádebi murasy retinde «Qazaqstan halqy ertegileri» kitaby Qazaqstan halqy Assambleiasynyń etnomádeni birlestikteriniń ókilderimen birge alǵash ret qazaq tilinde shyǵaryldy.
Jinaqqa Qazaqstannyń káris, nemis, sheshen-ingýsh, evrei, grek, mordva, litva, poliak jáne t.b. 25 iri etnostarynyń 114 halyq ertegileri endi. Kitap jalpy taralymy 4 000 dana (ár bóligi 2 000 danadan) eki tomnan turady (4-7 jáne 8-11 jastaǵy balalarǵa arnalǵan).
Maqsatty aýditoriiany jáne jinaq mazmunynyń sáikestigin anyqtaý úshin Y. Altynsarin atyndaǵy Ulttyq bilim berý akademiiasynda saraptama júrgizildi.
