Foto: QR Mádeniet jáne aqparat ministrligi
Bul uiym 1995 jyly qurylyp, eldegi túrli etnostar men mádenietterdiń yntymaqtastyǵyn, birligin nyǵaitýǵa baǵyttalǵan mańyzdy institýtqa ainaldy, dep habarlaidy Ult.kz.
Búginde elimizde 120-dan astam etnos ókilderi beibitshilik pen kelisimde ómir súrip keledi. Bul rette QHA atqaryp jatqan jumystarynyń mańyzy erekshe.
- - 2024 jyly Qazaqstan halqy Assambleiasy «Júrekten júrekke» jáne «Mektepke jol» siiaqty birqatar qaiyrymdylyq is-sharalaryn ótkizdi.
- - QHA 1000-nan astam etnomádeni birlestikti qamtidy. Ótken jyly QHA qurylymdary 15 000-nan astam áleýmettik mańyzy bar shara uiymdastyryp, 700 000-nan astam adamdy qamtydy.
- - QHA-nyń 2025 jylǵa arnalǵan josparynda salalyq kadrlardy damytý mańyzdy oryn alady. «Etnopolitologiia» jáne «Etnojýrnalistika» mamandyqtary boiynsha bilikti mamandardy daiarlaý úlesi artpaq.
Sonymen qatar QHA jobalary, Dostyq úileri, lingvistikalyq kabinetter jáne basqa da qurylymdar arqyly memlekettik tildiń etnosaralyq qatynas tili retinde nasihattalýyna erekshe nazar aýdarylady.
30 jyldyqqa orai Beibitshilik jáne kelisim saraiynda Qazaqstan halqy Assambleiasynyń mereitoilyq ashylýy jáne «Qazaqstan halqy Assambleiasyna 30 jyl» respýblikalyq forýmy ótti.
Saltanatty is-sharaǵa memlekettik organdardyń ókilderi, Parlament depýtattary, etnomádeni birlestikter men Assambleia ardagerleri, belgili qoǵam qairatkerleri men sarapshylar qatysty.
Forým aiasynda elimizdiń barlyq Dostyq úilerinde Memleket basshysy Qasym-Jomart Toqaevtyń Qazaqstan halqy Assambleiasynyń 30 jyldyǵymen quttyqtaýy oqyldy. Alǵys aitý kúnine orai «Qazaqstan halqy Assambleiasyna 30 jyl» eskertkish taqtasynyń ashylýy ótti.
Foto: QR Mádeniet jáne aqparat ministrligi
Forým barysynda spikerler QHA-nyń qurylýy jáne ony qurý ideiasy týraly aita kele, Assambleianyń 30 jyldaǵyndaǵy mańyzdy jetistikterge, Qazaqstandaǵy birlik pen kelisimdi qoldaýdaǵy tarihi róline toqtaldy. Sondai-aq Alǵys aitý kúniniń mańyzy men mazmuny talqylandy.
Saltanatty is-shara sońynda QHA-nyń jyl saiynǵy «Qaiyrymdylyq kerýeni» aktsiiasynyń bastalýy jariialandy. Assambleia ardagerlerine qurmet kórsetilip, estelik syilyqtar tabys etildi, sondai-aq, «Qazaq eline myń alǵys» monýmentine gúl shoqtaryn qoiý rásimi ótti.
Elimizdiń barlyq óńirinde kúni boiy QHA 30 jyldyǵyna jáne Alǵys aitý kúnine arnalǵan chellendjder, festival-kórmeler, kontsertter jáne basqa da is-sharalar ótti.
