Búgin elordada Qazaqstan halqy Assambleiasynyń Parlament Májilisine QHA-dan depýtattar sailaýǵa arnalǵan HHVIII sessiiasy ashyldy, dep habarlaidy QazAqparat.
«Ózderińiz biletindei, 2007 jyly konstitýtsiialyq reforma nátijesinde qabyldanǵan Ata zańǵa Qazaqstan halqy Assambleiasynan QR Parlamenti Májilisine 9 depýtat sailaý quqyǵy berilgen ózgerister men tolyqtyrýlar engizilgen bolatyn. Bul qadam bizdiń qoǵamnyń birligin nyǵaitýǵa, etnostar múddelerin bildirýge, olardyń elimizdiń qoǵamdyq-saiasi ómirine qatysýyn jandandyrýǵa baǵyttalǵan edi. Osy norma Birikken Ulttar Uiymynyń, Eýropadaǵy qaýipsizdik pen yntymaqtastyq uiymynyń jáne basqa da halyqaralyq uiymdardyń halyqaralyq paktiler men konventsiialary aiasynda Qazaqstannyń adam qundylyqtary, azamattyq jáne saiasi quqyqtar jónindegi halyqaralyq mindettemelerin oryndaý údesine jatady», - dedi QHA Tóraǵasynyń orynbasary – Hatshylyq meńgerýshisi Janseiit Túimebaev.
Osy oraida ol búgin QR Parlamenti Májilisine Qazaqstan halqy Assambleiasy sailaityn depýtattar anyqtalatynyn atap ótti.
«Assambleianyń 9 depýtaty Qazaqstannyń barlyq etnostarynyń, búkil halyqtyń múddesin bildiredi. Al QHA-nyń depýtattyq toby eldiń tatýlyǵy men birligin nyǵaitý máseleleri boiynsha partiiaaralyq yntymaqtastyqtyń parlamenttik tetigi rólin atqarady. «Sailaý týraly» Konstitýtsiialyq zańyna sáikes, Assambleia sailaityn Parlament Májilisine depýtattyǵyna kandidattar usyný Assambleia Keńesiniń ókilettigine jatady. 2020 jylǵy 11 jeltoqsanda Assambleia Keńesiniń otyrysynda QR Parlamenti Májilisiniń depýtattyǵyna Qazaqstan halqy Assamleiasy sailaityn kandidattar usynyldy», - dedi J. Túimebaev.
Onyń aitýynsha, Assambleia Keńesi kandidattar tizimin jasaý barysynda birqatar mańyzdy kriterilerdi eskerdi. Atap aitqanda: depýtattyq korpýstyń sabaqtastyǵy, aimaqtyq qamtý, genderlik teńdiktiń qamtylýy, jastardy tartý, etnikalyq toptardyń eskerilýi, depýtattyq korpýsta eki merzimnen artyq bolmaýy.
Keńes qaraýynyń qorytyndysy boiynsha Parlament Májilisine depýtattyqqa Assambleia sailaityn kandidattar usyný týraly sheshim qabyldanyp, olar sailaý biýlletenine engizildi.
Usynylǵan 9 kandidattyń qatarynda mynalar bar:
1. ABDRAHMANOV Saýytbek Abdrahmanuly
2. AMIRHANIaN Avetik Rýbenovich
3. BÝLAROV Ilias Iýsýpovich
4. DEMENTEVA Natalia Grigorevna
5. LI Iýrii Vissarionovich
6. NABIEV Vakil Gýseinovich
7. OSIN Shamil Abzaletdinovich
8. TOHTASÝNOV Vladimir Imtahýnovich
9. HAMEDOV Abilfas Mýslimovich
