Búgin elordadaǵy Beibitshilik jáne kelisim saraiynda Qazaqstan halqy Assambleiasynyń HHVIII sessiiasy jumysyn bastady. Sessiia barysynda Parlament Májilisine QHA atynan depýtattar sailanady, dep habarlaidy "Ult aqparat".
Jiynǵa elimizdiń barlyq óńirindegi respýblikalyq jáne aimaqtyq etnomádeni birlestikterdiń ókilderinen QHA músheleriniń delegatsiiasy, qoǵam qairatkerleri, ǵylym jáne shyǵarmashylyq ziialylar, QR-da akkredittelgen halyqaralyq baiqaýshylar jáne BAQ qatysady.
Sessiia ashylǵan soń «Qazaqstan Respýblikasyndaǵy sailaý týraly» Konstitýtsiialyq zańynyń 93-1 babyna sáikes Assambleia músheleriniń Qazaqstan Respýblikasy Parlamenti Májilisine depýtattyqqa QHA Keńesi usynǵan kandidattarǵa daýys berýi júzege asyrylady.
Saǵat 07.00-de Nur-Sultan qalalyq sailaý komissiiasy daýys berý pýnktin ashady. Qalalyq sailaý komissiiasy Májiliske depýtattardy sailaýǵa daýys berý qorytyndysyn jariialaǵan soń sessiia jumysyn aiaqtaidy.
2020 jyldyń 24 jeltoqsanda QR Ortalyq sailaý komissiiasy Májiliske QHA atynan sailaýǵa túsetin 9 depýtatty tirkegen edi.
