QR Ulttyq banki melhior qospasynan nominaly 200 teńgelik jáne neizilber qospasynan nominaly 100 teńgelik «Qazaqstan halqy Assambleiasy» kollektsiialyq monetalaryn ainalysqa shyǵarady, dep habarlaidy "Ult aqparat".
Monetalardy shyǵarý Qazaqstan halqy Assambleiasynyń 25 jyldyǵyna orailastyrylǵan.
Monetalardyń bet jaǵynda (aversinde) ortalyq bóliginde Qazaqstan Respýblikasynyń memlekettik Eltańbasy beinelengen. Sol jáne oń jaǵynda - ulttyq oiý-órnek elementteri. Neizilberden jasalǵan monetanyń tómengi bóliginde nominalyn bildiretin «100 TEŃGE» jazýy bar, al melhiordan jasalǵan monetanyń astynda «200 TEŃGE» jazýy ornalasqan. Ainaldyra «QAZAQSTAN ULTTYQ BANKI • NATIONAL BANK OF KAZAKHSTAN» dep jazylǵan.
Monetalardyń syrtqy jaǵynda (reversinde) kún sáýlesiniń aiasynda oqiǵanyń mereitoilyq kúnin bildiretin «25» jazýy bar oiý-órnek kartasy ornalasqan. Keskinniń astynda QHA-nyń qurylǵan jylyn jáne shaqanyń soǵylǵan jyly men mereitoi datasyn bildiretin «1995•2020» jazýy bar. Tómengi bóliginde Memlekettik tý elementi ornalasqan. Ainaldyra «QAZAQSTAN HALQY ASSAMBLEIASY» jáne «ASSAMBLEIa NARODA KAZAHSTANA» dep jazylǵan.
Tehnikalyq ólshemderi:
«Rroof-like» sapaly monetalar MN 25 melhior qospasynan, massasy 15 gramm, diametri 33 mm, nominaly 200 teńgelik, 3000 danamen daiyndaldy.
«Uncirculated» sapaly monetalar MNTs 15-20 MNTs 15-20 qospasynan, massasy
11,17 gramm, diametri 31 mm, nominaly 100 teńgelik, 50 000 danamen daiyndaldy.
Qazaqstan teńge saraiynda daiyndalǵan monetalar kollektsiialyq quny boiynsha satýǵa arnalǵan.
«Nominaly 200 teńgelik jáne 100 teńgelik kollektsiialyq monetalar tólemderdiń barlyq túrleri boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shottaryna esepke alynýǵa jáne aýdarylýǵa mindetti. Qazaqstan Respýblikasynyń barlyq bankterinde shekteýsiz usaqtalady jáne aiyrbastalady», - dedi UB-dan.
