Foto: Ulttyq mýzei baspasóz qyzmeti
Búgin, Astana qalasynda Qazaqstan halqy Assambleiasynyń 30 jyldyǵyna orai Qazaqstan Respýblikasynyń Ulttyq mýzeiinde «Qazaqstandaǵy birlik pen yntymaqtastyq saiasaty: tájiribesi men bolashaǵy» taqyrybynda halyqaralyq ǵylymi-praktikalyq konferentsiia ótti, dep habarlaidy Ult.kz.
Is-sharanyń uiymdastyrýshylary:
- Qazaqstan halqy Assambleiasy, QR Ǵylym jáne Joǵary bilim ministrligi Ǵylym komitetiniń Memleket tarihy institýty, QR Mádeniet jáne aqparat ministrliginiń Etnosaralyq qatynastardy damytý komitetiniń «Qoǵamdyq kelisim» RMM, Qazaqstan Respýblikasynyń Ulttyq mýzeii.
Konferentsiianyń maqsaty — Qazaqstan halqy Assambleiasynyń
30 jyldyq tájiribesin talqylap, etnosaralyq kelisim men jalpyulttyq birlikti nyǵaitý joldaryn, sondai-aq qazirgi zamanǵy syn-qaterler men perspektivalardy aiqyndap, birlik pen yntymaqtastyq saiasatyn damytý jónindegi usynymdar ázirleý.
Is-sharaǵa:
- QR Prezidenti Ákimshiligi Qazaqstan halqy Assambleiasy Hatshylyǵy meńgerýshisiniń orynbasary A.Shegortsova, QR Ǵylym jáne joǵary bilim vitse-ministri D.Ahmed-Zaki, QR Parlamenti Senatynyń depýtaty N.Niiazova, QR Parlamenti Májilisiniń depýtaty B.Kerimbek, QR MAM Etnosaralyq qatynastardy damytý komitetiniń tóraǵasy Ǵ.Shoikin, QR ǴBM Memleket tarihy institýtynyń direktory N.Pusyrmanov, «Qoǵamdyq kelisim» RMM direktory E.Masagýtova, «Qoldanbaly etnosaiasi zertteýler institýtynyń» direktory T.Qaliev, sondai-aq Ulttyq Quryltaidyń, QHA Ǵylymi-sarapshylyq keńesiniń músheleri, qazaqstandyq jáne sheteldik (T.Dronzina (Bolgariia), A.Vejbitski (Polsha), R.Ýsmanov (Resei), K.Sabirov (Ózbekstan) ǵalym–sarapshylar, QHA qoǵamdyq qurylymdarynyń ókilderi qatysty.
Konferentsiia barysynda Assambleianyń 30 jyldyǵy birlik pen kelisim saiasatyn damytýdaǵy mańyzdy kezeń ekendigi atap ótildi. Sondai-aq onda ǵylymi-tájiribelik usynystardy odan ári ilgeriletý jáne etnosaralyq qatynastardy nyǵaitý salasyndaǵy ozyq tásilderdi engizý boiynsha kúsh-jigerdi kúsheitý memlekettik deńgeide sheshimder qabyldaý úshin praktikalyq usynystar ázirleýge múmkindik beretini basa aityldy.
Konferentsiiaǵa qatysýshylar etnosaralyq qatynastar salasyndaǵy memlekettik saiasatty ilgeriletý jáne aǵartýshylyq qyzmetti jandandyrý boiynsha aqparattyq-túsindirme jumysty kúsheitý qajettigin atap ótti. Konferentsiia qorytyndysy boiynsha qarar qabyldanyp, onda qatysýshylar aldaǵy jumystyń birqatar negizgi baǵyttaryn belgiledi. Sondai-aq memlekettik etnosaiasatty ǵylymi jáne qoǵamdyq qoldaýdy qamtamasyz etý úshin memlekettik organdarmen jáne ǵylymi-sarapshylyq qoǵamdastyqpen qoǵamnyń ózara is-qimylyn keńeitý kýrsy belgilendi.
Qazaqstan halqy Assambleiasynyń 30 jyldyq mereili jylynda etnosaralyq qatynas quraly retindegi memlekettik tildiń rólin arttyrý, etnomediatsiia tájiribesin keńinen engizý jáne basqa eldermen tájiribe almasý úshin etnosaiasat salasy boiynsha halyqaralyq yntymaqtastyqty jalǵastyrý siiaqty mańyzdy tezister aityldy.
Konferentsiia barysynda Assambleianyń 30 jyldyq tarihyna arnalǵan kóshpeli arhivtik qujattardyń, kitaptardyń, etnostyq gazetter men jýrnaldardyń kórmesi uiymdastyryldy.
Is-shara Qazaqstannyń etnosaralyq kelisim men jalpyulttyq birlik salasyndaǵy biregei tájiribesin talqylaýǵa óz úlesin qosty.
