Qazaqstan halqy Assambleiasy el astanasynyń ataýy Nur-Sultan bolyp ózgerýine qatysty úndeý jasady. Ult portaly úndeýdiń tolyq mátinin oqyrman nazaryna usynady.
***
Biz, Qazaqstan halqy Assambleiasynyń músheleri – etnomádeni birlestikterdiń, Ǵylymi-sarapshylyq keńesiniń, QHA kafedralary qaýymdastyǵynyń, Qoǵamdyq kelisim keńesteriniń, Analar keńesteriniń, Assambleianyń jýrnalister men sarapshylar klýbynyń, Mediatorlar keńesteriniń, Kásipkerler qaýymdastyǵynyń, respýblikalyq «Jańǵyrý joly» jastar qozǵalysynyń, Assambleianyń qoǵamdyq uiymdary men mekemeleriniń ókilderi, astananyń ataýy Nur-Sultan bolyp ózgertilýin tutastai jáne tolyǵymen qoldaimyz.
Astanaǵa Qazaqstannyń Tuńǵysh Prezidentiniń esimi berilýi – Elbasynyń táýelsiz Qazaqstandy qurýdaǵy asa zor eńbegin moiyndap, baǵalaý bolyp tabylady.
Biz Qazaqstan astanasyn kóshirý Nursultan Ábishuly Nazarbaevtyń strategiialyq jobasy jáne el tarihynyń jańa paraǵyn ashqan bastamasy ekendigin erekshe atap kórsetemiz.
Osy qadamnyń arqasynda Qazaqstan qiyn-qystaý ýaqytta ótpeli kezeńniń qiyndyqtaryn sátti eńsergen damý serpinine ie boldy.
Búginde, Elbasy el damýynyń jańa kezeńin ashqan kezde, astanaǵa Qazaqstannyń Tuńǵysh Prezidentiniń esimi berilýi – búkil álemge Qazaqstannyń egemen, demokratiialyq, quqyqtyq jáne áleýmettik memleket retindegi damýynda Nursultan Nazarbaevtyń strategiialyq baǵytynyń ózgermeitindigi ári sabaqtastyǵynyń belgisi bolyp tabylady.
Sol arqyly Qazaqstan óziniń el damýyndaǵy konstitýtsiialyq qaǵidattar – qoǵamdyq kelisim men saiasi ornyqtylyqtyń, etnosaralyq jáne konfessiiaaralyq tatýlyqtyń, qazaqstandyq patriotizmniń myzǵymaityndyǵyna nyq beiildilikti tanytady.
Saiasi kóshbasshylyǵy men buljymaityn erik-jigeriniń arqasynda Elbasy elaralyq qatynastarda biik adamgershilik standarttardy ornyqtyrdy, elimizdiń kópvektorly beibitsúigish syrtqy saiasatyn damytýǵa qosqan úlesi, iadrolyq qarýsyzdaný jónindegi dáiekti kúsh-jigeri, halyqaralyq arenada senim men ózara is-qimyl atmosferasyn qalyptastyrǵany úshin halyqaralyq qaýymdastyqtyń tereń qurmeti men rizashylyǵyna ie boldy.
Biz Uly Dala eliniń budan keiingi urpaqtarynyń barlyǵy úshin Nursultan Nazarbaevtyń sińirgen tarihi eńbegi halyqqa sheksiz berile qyzmet etýdiń jáne Azattyq pen Táýelsizdiń ideialaryna adaldyqtyń úlgisi bolýy kerek degen tereń senimdemiz.
Astananyń Tuńǵysh Prezident esimimen atalýy – bul bizdiń azamattyq paryzymyz jáne Qazaqstan halqynyń aldyndaǵy eńbegi úshin Elbasyǵa shynaiy rizashylyǵymyz.
Qazaqstan astanasy Nur-Sultan bizdiń Qazaqstan ekonomikalyq turǵydan qýatty jáne órkendegen el bolýy, al onyń azamattary barshylyqta, tatýlyq pen kelisimde ómir súrýi úshin bolashaq urpaqtar aldyndaǵy jaýapkershiligimizdi bildiredi.
Biz Qazaqstan tarihynda Nur-Sultan esimi «Máńgilik El» uǵymymen, jalpyulttyq tarihi sanamen, joǵary rýhani qundylyqtardyń ortaqtyǵymen ajyraǵysyz bailanysta qalatynyna nyq senimdemiz.
Biz, Qazaqstan halqy Assambleiasynyń músheleri, osy tarihi qadamǵa nyq peiilmen qoldaý kórsetemiz jáne elimiz azamattaryn ulttyq birliktiń ýaqyt synynan ótken «bir halyq, bir el, bir taǵdyr» qaǵidattary negizinde shoǵyrlanýǵa shaqyramyz.
Astanamyz Nur-Sultan qasietti qazaq jerindegi birliktiń, tatýlyq pen órkendeýdiń simvolyna ainalýy úshin biz qolymyzdan kelgenniń bárin de isteýimiz kerek!
