Qazaqstan halqy Assambleiasy qazaq tilin meńgerý jónindegi birinshi kongresiniń qatysýshylary úndeý joldady, dep habarlaidy "Ult aqparat".
Biz, Qazaqstan halqy Assambleiasynyń Qazaq tilin meńgerý jónindegi birinshi kongresine qatysýshylar, Qazaqstan Prezidenti Qasym-Jomart Toqaevtyń memlekettik tildiń rólin kúsheitý jáne ony etnosaralyq qatynas tiline ainaldyrý týraly tapsyrmasyn tolyq qoldaitynymyz jóninde jáne ony júzege asyrý boiynsha inkliýzivti jumys qajettiligi týraly málimdeimiz.
Biz Elbasy Nursultan Nazarbaevtyń «Qazaq halqy men memlekettik til – damyp kele jatqan qazaqstandyq azamattyq qoǵamdy biriktirýshi iadro retinde yqpal etetin bolady»,– degen ustanymyn negizge alamyz.
Qazaqstandaǵy áleýmettik-demografiialyq ózgeristerdi, qazaq halqynyń sany óskenin, halyqty odan ári biriktirý jáne shoǵyrlandyrý qajettiligin eskere otyryp, biz memlekettik tildiń joǵary róli bolashaqta da arta túsetinin atap ótemiz.
Birinshiden, memlekettik til qýatty toptastyrýshy faktorǵa ainalýy tiis. Memlekettik til – Otan uǵymyn bildiretin Memlekettik tý, Eltańba, Gimn siiaqty qasterli simvol.Ol elimizdiń barsha azamattaryn biriktirýge shaqyrady.
Ekinshiden, memlekettik tildi meńgerý adamdardyń birin-biri til bilmegeni úshin kemsitýine jol bermeidi.
Úshinshiden, memlekettik til – bul árbir azamattyń elimizdiń qoǵamdyq-saiasi ómirine belsendi ári tolyqqandy qatysýynyń kepili, onyń básekege qabilettiliginiń faktory.
Tórtinshiden, memlekettik til – elimizdiń árbir azamatynyń ishki biregeiliginiń, qazaqstandyq patriotizmniń, azamattyq sananyń ajyramas elementi.
Besinshiden, memlekettik til qoǵamdyq sanany jańǵyrtýdyń, Elbasynyń «Rýhani jańǵyrý» baǵdarlamasynyń jetekshi baǵyttarynyń biri, al onyń latyn grafikasyna kóshirilýi jalpyulttyq sananyń jańa elementi. Bul qarapaiym aqiqat Qazaqstannyń árbir azamatynyń sanaly azamattyq tańdaýy bolýy tiis.
Memlekettik tildiń rólin arttyrý jónindegi jumys keń aýqymdy jáne san qyrly sipatta bolýy tiis. Bul máselede jaýapkershilikti tek memleketke ǵana júkteýge bolmaidy.
Azamattyq qoǵam, ǵylymi jáne shyǵarmashyl ziialy qaýym osy ideiany is júzinde júzege asyrýǵa ózderiniń qomaqty úlesin qosýy tiis.
Biz memlekettik qyzmette, qoǵamdyq, ǵylymi, saiasi jáne mádeni is-sharalar ótkizý kezinde memlekettik tildiń mártebesin kóterý boiynsha sharalar qabyldaýǵa shaqyramyz.
Biz qazaq tilin jetik meńgergen etnostar ókilderin qoldaý men kótermeleýdiń tiimdi júiesin qalyptastyryp, olardyń qazaq tilin etnosaralyq qatynas tili deńgeiine kóterý jónindegi missiiasyna járdemdesýimiz kerek.
Biz qazaq tilinde sóileýge umtylatyndardy qoldaýda shydamdy, birizdi jáne tabandy bolýymyz kerek.
Biz halyqtyń barlyq sanattary úshin qazaq tili álemine tereń boilaýdyń túrli formalaryn engizýimiz kerek. Bul teledidar men radio baǵdarlamalarynyń mazmunyna, áleýmettik jelilerdiń kontentine, kórneki aqparatqa, kúndelikti qarym-qatynasqa qatysty.
Biz bilim berý júiesin onyń basty missiiasyna qol jetkizýde barynsha qoldaýymyz qajet, iaǵni mektep bitirgen árbir oqýshy memlekettik tildi fýnktsionaldyq saýattylyq deńgeiinde meńgerýi tiis. Sondyqtan biz Til saiasaty komitetiniń Bilim jáne ǵylym ministrligine berilýin quptaimyz.
Biz elimizde bul máseleni saiasattandyrýǵa, azamattarǵa zańsyz qysym kórsetýge jol bermeýge shaqyramyz. Memlekettik til árbir azamattyń sanaly tańdaýy bolýy tiis.
Biz qazaq ziialylaryn Qazaqstan halqy Assambleiasynyń memlekettik tildi nasihattaý jónindegi qyzmetin ilgeriletýge, onyń osy baǵyttaǵy jobalaryn – «Danalyq álippesi» jáne «Abai» interaktivti keshenderin engizýge, «Qazaqtaný» jáne «Myń bala» respýblikalyq mádeni-aǵartý jobasy, «Mámile» qazaq tili klýbtary jáne t.b. jobalardy iske asyrýǵa atsalysyp, bilimi men jeke tájiribesi arqyly qoldaý kórsetýge shaqyramyz.
Bizdiń elimizde memlekettik tildi ultaralyq qatynas tiline ainaldyrý úshin qajettiniń bári bar ekenine senimdimiz, al izgi niet, tabandylyq, eńbek pen qajyrlylyq bizge Elbasy N.Á. Nazarbaevtyń «Qazaqstannyń bolashaǵy – qazaq tilinde»,– degen ulaǵatty sózderin iske asyrýǵa múmkindik beredi.
