Qazaqstan kelesi jyly ózbektiń Ravon markaly avtokóligin óndirýdi josparlap otyr. Bul týraly Ózbekstandaǵy Qazaqstan elshisi Erik Ótembaev aitty, dep habarlaidy "Ult aqparat" Sputnik-ke silteme jasap.
Onyń aitýynsha, qazir «Ýzavtosanoat» kompaniiasy Qazaqstandyq seriktesi «Saryarqa avtoprom» kásipornymen birigip, myńnan astam kólikti qurastyryp ta qoiǵan.
«Avtokólikterge suranys joǵary. Sondyqtan ónim sanyn ulǵaityp, jańa úlgilerin de qosamyz. Kelesi jyly jeti myń Ravon kóligin shyǵarýdy josparlap otyrmyz», - dedi Ótembaev.
Biraq ol qansha túrin shyǵaratyndyǵyn aitqan joq.
Ózbekstanda GM Uzbekistan kásiporny jeńil avtokólikterdi, negizinen, Ándijan oblysynda shyǵarady. Budan basqa onyń filialy Horezm jáne Tashkentte de bar. Jyl saiyn kásiporyn 250 myńnan astam kólik qurastyrady.
Qazirgi tańda GM Uzbekistan avtokóliktiń on markasyn: Nexia, Cobalt, Gentra i Malibu, Matiz i Spark, Captiva, Orlando, Damas, Labo óndiredi. Respýblika ishinde otandyq óndirýshiniń jeńil avtokólikteri Chevrolet brendimen tanymal. Al GM Uzbekistan ónimi ekportqa Ravon saýda belgisimen shyǵady.
