Prezident Qasym-Jomart Toqaev Ýkraina men Resei arasyndaǵy shieleniske qatysty pikir bildirdi, dep habarlaidy "Ult aqparat".
«Jaqsy janjaldan jaman bitim artyq. Beibitshiliksiz damý bolmaidy. Qazaqstan qajet bolǵan jaǵdaida óz járdemin kórsetýge daiyn. Ýkrainadaǵy ahýalǵa qatysty biz eki eldi de dialogqa qol jetkizý úshin búkil kúsh-jigerdi jumsaýǵa jáne beibit retteý isin bastaýǵa shaqyramyz. Basqa joly joq», - dep jazdy Qazaqstan Prezidenti Twitter paraqshasynda.
Aita keteiik, búgin bilik partiiasynyń kezekten tys sezinde Memleket basshysy Ýkraina men Resei arasyndaǵy shieleniske qatysty Qazaqstannyń ustanymyn bildirip, qajet bolǵan jaǵdaida elimiz barlyq kómegin kórsetip, tipti araǵaiyndyq jasaýǵa da daiyn ekenin aitqan bolatyn.
Sondai-aq Qasym-Jomart Toqaev joǵaryda atalǵan eki eldiń teke-tiresi saldarynan týyndaityn syn-tegeýirinderdi toitarýǵa ekonomikamyzdyń daiyn bolýy tiistigin de eskertken edi.
