Kaspii teńizinde qazaqstandyq flottyń qatysýy 42 paiyzǵa deiin jetkiziledi. Bul týraly QR Indýstriia jáne infraqurylymdyq damý ministrligi Avtomobil joldary komitetiniń tóraǵasy Sairanbek Barmaqov aitty, dep habarlaidy "Ult aqparat".
«Nurly jol» memlekettik baǵdarlamasy aiasynda 2 parom jáne 4 qurǵaq júk tasyǵysh satyp alý kózdelip otyr. Bul júk tasymaly kólemin odan ári ulǵaitýǵa, sondai-aq Kaspii teńizinde qazaqstandyq flottyń qatysýyn 42 paiyzǵa deiin arttyrýǵa múmkindik beredi. Sondai-aq, apattylyqty 10,3 paiyzǵa deiin tómendetý jáne shliýzderdiń ótkizý qabiletin jylyna 4000 kemege deiin jetkizý maqsatynda keme qatynasy shliýzderine kúrdeli jóndeý júrgizý josparlanýda», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, biyl atalǵan maqsattarǵa temirbeton qurylymdaryna jáne kótergish jabdyqtarǵa jóndeý júrgizý úshin 1,9 mlrd teńge bólindi.
«Osy jyldyń 6 aiynda 1,2 mlrd teńge nemese jyldyq qarjylandyrý kóleminiń 65 paiyzy igerildi», - dedi Sairanbek Barmaqov.
