Otan qorǵaýshy kúni qarsańynda elimizdiń qaýipsizdigin jáne beibit azamattardy qorǵaýda turǵan adamdardyń eńbegi elendi, dep habarlaidy QR Qorǵanys ministrliginiń baspasóz qyzmeti.
Óziniń kúndelikti jaýyngerlik eńbegimen Qarýly kúshterdiń jaýyngerlik daiyndyǵyn jáne Qazaqstannyń qorǵanys qabiletin nyǵaitýǵa úles qosqandar kezekti áskeri ataqtar, memlekettik jáne vedomstvolyq nagradalarmen marapattaldy.
QR Prezidentiniń «joǵary áskeri jáne arnaýly ataqtar, synyptyq shender jáne biliktilik synyptar berý týraly» Jarlyǵymen «general-leitenant» áskeri ataǵy Qorǵanys ministri Nurlan Ermekbaevqa, Qorǵanys ministriniń birinshi orynbasary – Bas shtab bastyǵy Murat Bektanovqa, Qorǵanys ministriniń orynbasary Timýr Dándibaevqa, sondai-aq QR Tuńǵysh Prezidenti - Elbasy atyndaǵy Ulttyq qorǵanys ýniversitetiniń bastyǵy Sultan Kamaletdinovke berildi. Sonymen qatar, QR Prezidentiniń Jarlyǵymen 21 áskeri qyzmetshi memlekettik nagradalarǵa ie boldy.
Kásibi mereke qarsańynda Qorǵanys ministrliginde Qarýly Kúshterdiń áskeri qyzmetshilerine qurmet kórsetý rásimi ótti. Jeke quramdaǵy marapatqa ie bolǵandardyń negizgi bóligi rásimge beinebailanys rejiminde qatysty.
Qorǵanys ministriniń buiryǵymen 15 ofitserge merziminen buryn áskeri ataqtar berildi, segiz áskeri qyzmetshi «El qorǵany» vedomstvolyq nagradalarymen marapattaldy.
Olardyń ishinde Almaty qalasynda patrýldeýge qatysý barysynda kásibilik tanytqan eki kýrsant bar. Atap aitqanda, Qurlyq áskerleri Áskeri institýtynyń kýrsanty Bahytjan Baratov, Radioelektronika jáne bailanys áskeri-injenerlik institýtynyń kýrsanty Bolat Ersultan.
Sonymen qatar QR QM Zań departamentiniń bastyǵy «Zań salasynyń úzdigi» tósbelgisimen marapattaldy.
Qorǵanys ministri Nurlan Ermekbaev jeke quramdy quttyqtady.
«Biz Sizdermen jańa ádisterdi qoldana otyryp, ondaǵan komandalyq-shtabtyq oqý-jattyǵýlar men jattyǵýlardy ótkizdik. Jedel daiyndyqtyń mańyzdy sharalarynyń biri, el Prezidenti - Qarýly Kúshterdiń Joǵarǵy Bas qolbasshysynyń qatysýymen ótken «Aibalta» strategiialyq komandalyq – shtabtyq oqý-jattyǵýy boldy», – dep atap ótti ol.
Ministr bizdiń kontingentter shetelde túrli oqý-jattyǵýlarǵa qatysyp, elimizdiń aýmaǵynda da birlesken is-sharalar ótkizgenin eske sala ketti.
«Bitimgershilik qyzmetinde mańyzdy qadam jasaldy. Qazirgi Qarýly Kúshter tarihynda alǵash ret biz «Livandaǵy BUU ýaqytsha kúshteri» missiiasyna qatysý úshin derbes bitimgershilik bólimsheni jiberdik. Men Irakta, Aýǵanstanmen shekaradaǵy Tájikstanda, Kot-d-Ivýarda, Batys Saharada jáne Nepalda birqatar missiialardy oryndaýǵa qatysqan sizderdiń barlyqtaryńyzǵa rizashylyǵymdy bildiremin», – dedi Ermekbaev.
Sondai-aq Arys qalasynda TJ saldaryn joiý boiynsha da belsendi jumystar júrgizilýde.
Ministr óz quttyqtaýynda biylǵy jyly Otan qorǵaýshylar kúni el tarihynda alǵash ret tótenshe jaǵdai engizilgen erekshe jaǵdailarda atap ótiletindigin atap ótti. Ol myńdaǵan áskeri qyzmetshi koronavirýstyń taralýyn boldyrmaý boiynsha qajetti sharalardy qamtamasyz ete otyryp, óz boryshyn abyroimen atqaratynyna nazar aýdardy. Sonymen qatar olar jarǵylarda da, laýazymdyq nusqaýlyqtarda da jazylmaǵan mańyzdy nárselerdi óz densaýlyǵyna qaýip tóndire otyryp oryndaidy.
«Qarýly Kúshterdiń áskeri qyzmetshileri búkil el boiynsha myńdaǵan nysandar men ondaǵan million sharshy metrge dezinfektsiia júrgizdi, blokbeketterde qyzmet atqaryp, patrýldeý júrgizdi, júzdegen otandastardy evakýatsiialady jáne shet elden gýmanitarlyq kómek kórsetti. Qaýip-qaterlerge qarsy turýdaǵy joǵary daiyndyq deńgeiin kórsetken barlyq áskeri-meditsinalyq mekemeler jumyldyryldy», – dep atap ótti ministr.
Bul rette júzdegen áskeri qyzmetshiler óz mindetterin úiinen myńdaǵan shaqyrym jerde, dalalyq jaǵdaiynda oryndady.
«Osy qiyn-qystaý kezeńde bizdiń jaýyngerlerimizdiń joǵary kásibiligi, boryshqa adaldyǵy, áskeri baýyrlastyq jáne ózara kómek kórsetý siiaqty qasietteri aiqyn kórindi. Qarapaiym adamdar úshin bul aýyr synaq bolsa, al áskeri qyzmetshiler úshin bul kezekti jattyǵý», – dedi Nurlan Ermekbaev.
Qorǵanys vedomstvosynyń basshysy qiyn ýaqytta el men halyqtyń múddeleri úshin áskeri qyzmetshi bolýǵa arnaiy jiyndarǵa shaqyrylýǵa óz erkimen niet bildirgen birneshe myń jastarmen maqtana alatyn oiymen bólisti.
Qorǵanys ministri jeke quram men otbasylaryn Uly Otan soǵysyndaǵy Jeńistiń 75 jyldyǵymen quttyqtady.
«9 mamyrda adamzat násiline, dinine nemese áleýmettik mártebesine qaramastan beibitshilik pen teńdik quqyǵy úshin soǵysty jeńip aldy. Ata-babalardyń erligi árqashan jadymyzda saqtady. Olar Otanymyzǵa táýelsizdik, al urpaqtaryna beibit aspandy ósiet etken.
Bizdiń ortaq mindetimiz – Táýelsiz Qazaqstan tarihynda osyndai oqiǵa eshqashan qaitalanbaýy úshin, bizdiń halqymyz ben bolashaq urpaqtyń qaýipsizdigin saqtaýǵa kún saiyn kómek kórsetý», – dedi ministr.
