وتان قورعاۋشى كٷنٸ قارساڭىندا ەلٸمٸزدٸڭ قاۋٸپسٸزدٸگٸن جەنە بەيبٸت ازاماتتاردى قورعاۋدا تۇرعان ادامداردىڭ ەڭبەگٸ ەلەندٸ, دەپ حابارلايدى قر قورعانىس مينيسترلٸگٸنٸڭ باسپاسٶز قىزمەتٸ.
ٶزٸنٸڭ كٷندەلٸكتٸ جاۋىنگەرلٸك ەڭبەگٸمەن قارۋلى كٷشتەردٸڭ جاۋىنگەرلٸك دايىندىعىن جەنە قازاقستاننىڭ قورعانىس قابٸلەتٸن نىعايتۋعا ٷلەس قوسقاندار كەزەكتٸ ەسكەري اتاقتار, مەملەكەتتٸك جەنە ۆەدومستۆولىق ناگرادالارمەن ماراپاتتالدى.
قر پرەزيدەنتٸنٸڭ «جوعارى ەسكەري جەنە ارناۋلى اتاقتار, سىنىپتىق شەندەر جەنە بٸلٸكتٸلٸك سىنىپتار بەرۋ تۋرالى» جارلىعىمەن «گەنەرال-لەيتەنانت» ەسكەري اتاعى قورعانىس مينيسترٸ نۇرلان ەرمەكباەۆقا, قورعانىس مينيسترٸنٸڭ بٸرٸنشٸ ورىنباسارى – باس شتاب باستىعى مۇرات بەكتانوۆقا, قورعانىس مينيسترٸنٸڭ ورىنباسارى تيمۋر دەندٸباەۆقا, سونداي-اق قر تۇڭعىش پرەزيدەنتٸ - ەلباسى اتىنداعى ۇلتتىق قورعانىس ۋنيۆەرسيتەتٸنٸڭ باستىعى سۇلتان كامالەتدينوۆكە بەرٸلدٸ. سونىمەن قاتار, قر پرەزيدەنتٸنٸڭ جارلىعىمەن 21 ەسكەري قىزمەتشٸ مەملەكەتتٸك ناگرادالارعا يە بولدى.
كەسٸبي مەرەكە قارساڭىندا قورعانىس مينيسترلٸگٸندە قارۋلى كٷشتەردٸڭ ەسكەري قىزمەتشٸلەرٸنە قۇرمەت كٶرسەتۋ رەسٸمٸ ٶتتٸ. جەكە قۇرامداعى ماراپاتقا يە بولعانداردىڭ نەگٸزگٸ بٶلٸگٸ رەسٸمگە بەينەبايلانىس رەجيمٸندە قاتىستى.
قورعانىس مينيسترٸنٸڭ بۇيرىعىمەن 15 وفيتسەرگە مەرزٸمٸنەن بۇرىن ەسكەري اتاقتار بەرٸلدٸ, سەگٸز ەسكەري قىزمەتشٸ «ەل قورعانى» ۆەدومستۆولىق ناگرادالارىمەن ماراپاتتالدى.
ولاردىڭ ٸشٸندە الماتى قالاسىندا پاترۋلدەۋگە قاتىسۋ بارىسىندا كەسٸبيلٸك تانىتقان ەكٸ كۋرسانت بار. اتاپ ايتقاندا, قۇرلىق ەسكەرلەرٸ ەسكەري ينستيتۋتىنىڭ كۋرسانتى باحىتجان باراتوۆ, راديوەلەكترونيكا جەنە بايلانىس ەسكەري-ينجەنەرلٸك ينستيتۋتىنىڭ كۋرسانتى بولات ەرسۇلتان.
سونىمەن قاتار قر قم زاڭ دەپارتامەنتٸنٸڭ باستىعى «زاڭ سالاسىنىڭ ٷزدٸگٸ» تٶسبەلگٸسٸمەن ماراپاتتالدى.
قورعانىس مينيسترٸ نۇرلان ەرمەكباەۆ جەكە قۇرامدى قۇتتىقتادى.
«بٸز سٸزدەرمەن جاڭا ەدٸستەردٸ قولدانا وتىرىپ, ونداعان كوماندالىق-شتابتىق وقۋ-جاتتىعۋلار مەن جاتتىعۋلاردى ٶتكٸزدٸك. جەدەل دايىندىقتىڭ ماڭىزدى شارالارىنىڭ بٸرٸ, ەل پرەزيدەنتٸ - قارۋلى كٷشتەردٸڭ جوعارعى باس قولباسشىسىنىڭ قاتىسۋىمەن ٶتكەن «ايبالتا» ستراتەگييالىق كوماندالىق – شتابتىق وقۋ-جاتتىعۋى بولدى», – دەپ اتاپ ٶتتٸ ول.
مينيستر بٸزدٸڭ كونتينگەنتتەر شەتەلدە تٷرلٸ وقۋ-جاتتىعۋلارعا قاتىسىپ, ەلٸمٸزدٸڭ اۋماعىندا دا بٸرلەسكەن ٸس-شارالار ٶتكٸزگەنٸن ەسكە سالا كەتتٸ.
«بٸتٸمگەرشٸلٸك قىزمەتٸندە ماڭىزدى قادام جاسالدى. قازٸرگٸ قارۋلى كٷشتەر تاريحىندا العاش رەت بٸز «ليۆانداعى بۇۇ ۋاقىتشا كٷشتەرٸ» ميسسيياسىنا قاتىسۋ ٷشٸن دەربەس بٸتٸمگەرشٸلٸك بٶلٸمشەنٸ جٸبەردٸك. مەن يراكتا, اۋعانستانمەن شەكاراداعى تەجٸكستاندا, كوت-د-يۆۋاردا, باتىس ساحارادا جەنە نەپالدا بٸرقاتار ميسسييالاردى ورىنداۋعا قاتىسقان سٸزدەردٸڭ بارلىقتارىڭىزعا ريزاشىلىعىمدى بٸلدٸرەمٸن», – دەدٸ ەرمەكباەۆ.
سونداي-اق ارىس قالاسىندا تج سالدارىن جويۋ بويىنشا دا بەلسەندٸ جۇمىستار جٷرگٸزٸلۋدە.
مينيستر ٶز قۇتتىقتاۋىندا بيىلعى جىلى وتان قورعاۋشىلار كٷنٸ ەل تاريحىندا العاش رەت تٶتەنشە جاعداي ەنگٸزٸلگەن ەرەكشە جاعدايلاردا اتاپ ٶتٸلەتٸندٸگٸن اتاپ ٶتتٸ. ول مىڭداعان ەسكەري قىزمەتشٸ كوروناۆيرۋستىڭ تارالۋىن بولدىرماۋ بويىنشا قاجەتتٸ شارالاردى قامتاماسىز ەتە وتىرىپ, ٶز بورىشىن ابىرويمەن اتقاراتىنىنا نازار اۋداردى. سونىمەن قاتار ولار جارعىلاردا دا, لاۋازىمدىق نۇسقاۋلىقتاردا دا جازىلماعان ماڭىزدى نەرسەلەردٸ ٶز دەنساۋلىعىنا قاۋٸپ تٶندٸرە وتىرىپ ورىندايدى.
«قارۋلى كٷشتەردٸڭ ەسكەري قىزمەتشٸلەرٸ بٷكٸل ەل بويىنشا مىڭداعان نىساندار مەن ونداعان ميلليون شارشى مەترگە دەزينفەكتسييا جٷرگٸزدٸ, بلوكبەكەتتەردە قىزمەت اتقارىپ, پاترۋلدەۋ جٷرگٸزدٸ, جٷزدەگەن وتانداستاردى ەۆاكۋاتسييالادى جەنە شەت ەلدەن گۋمانيتارلىق كٶمەك كٶرسەتتٸ. قاۋٸپ-قاتەرلەرگە قارسى تۇرۋداعى جوعارى دايىندىق دەڭگەيٸن كٶرسەتكەن بارلىق ەسكەري-مەديتسينالىق مەكەمەلەر جۇمىلدىرىلدى», – دەپ اتاپ ٶتتٸ مينيستر.
بۇل رەتتە جٷزدەگەن ەسكەري قىزمەتشٸلەر ٶز مٸندەتتەرٸن ٷيٸنەن مىڭداعان شاقىرىم جەردە, دالالىق جاعدايىندا ورىندادى.
«وسى قيىن-قىستاۋ كەزەڭدە بٸزدٸڭ جاۋىنگەرلەرٸمٸزدٸڭ جوعارى كەسٸبيلٸگٸ, بورىشقا ادالدىعى, ەسكەري باۋىرلاستىق جەنە ٶزارا كٶمەك كٶرسەتۋ سيياقتى قاسيەتتەرٸ ايقىن كٶرٸندٸ. قاراپايىم ادامدار ٷشٸن بۇل اۋىر سىناق بولسا, ال ەسكەري قىزمەتشٸلەر ٷشٸن بۇل كەزەكتٸ جاتتىعۋ», – دەدٸ نۇرلان ەرمەكباەۆ.
قورعانىس ۆەدومستۆوسىنىڭ باسشىسى قيىن ۋاقىتتا ەل مەن حالىقتىڭ مٷددەلەرٸ ٷشٸن ەسكەري قىزمەتشٸ بولۋعا ارنايى جيىندارعا شاقىرىلۋعا ٶز ەركٸمەن نيەت بٸلدٸرگەن بٸرنەشە مىڭ جاستارمەن ماقتانا الاتىن ويىمەن بٶلٸستٸ.
قورعانىس مينيسترٸ جەكە قۇرام مەن وتباسىلارىن ۇلى وتان سوعىسىنداعى جەڭٸستٸڭ 75 جىلدىعىمەن قۇتتىقتادى.
«9 مامىردا ادامزات نەسٸلٸنە, دٸنٸنە نەمەسە ەلەۋمەتتٸك مەرتەبەسٸنە قاراماستان بەيبٸتشٸلٸك پەن تەڭدٸك قۇقىعى ٷشٸن سوعىستى جەڭٸپ الدى. اتا-بابالاردىڭ ەرلٸگٸ ەرقاشان جادىمىزدا ساقتادى. ولار وتانىمىزعا تەۋەلسٸزدٸك, ال ۇرپاقتارىنا بەيبٸت اسپاندى ٶسيەت ەتكەن.
بٸزدٸڭ ورتاق مٸندەتٸمٸز – تەۋەلسٸز قازاقستان تاريحىندا وسىنداي وقيعا ەشقاشان قايتالانباۋى ٷشٸن, بٸزدٸڭ حالقىمىز بەن بولاشاق ۇرپاقتىڭ قاۋٸپسٸزدٸگٸن ساقتاۋعا كٷن سايىن كٶمەك كٶرسەتۋ», – دەدٸ مينيستر.
