foto: pixabay
Qazaqstanda jer ýchaskelerine quqyq berýdiń elektron formaty engizilgennen keiin jer komissiialary institýty alyp tastalady. Mundai zań jobasyn Senat qabyldady, - dep habarlaidy Tengrinews.kz saity.
Senat depýtattary "Qazaqstan Respýblikasynyń keibir zańnamalyq aktilerine biryńǵai memlekettik jyljymaityn múliktiń kadastry sheńberinde memlekettik kórsetiletin qyzmetterdi tsifrlandyrý máseleleri boiynsha ózgerister men tolyqtyrýlar engizý týraly" zań jobasyn ekinshi oqylymda qabyldady.
Zań jobasynyń maqsaty jer qatynastary, jyljymaityn múlikke quqyqtardy tirkeý jáne qala qurylysy salasyndaǵy zańnamany tsifrlandyrý jáne osy salalardaǵy memlekettik qyzmetterdi elektron formatqa kóshirý arqyly jetildirý bolyp tabylady.
Atap aitqanda, respýblikalyq mańyzy bar qalalar, astana, oblystyq jáne aýdandyq mańyzy bar qalalardyń jerleri sheginde jer, quqyq, qala qurylysy kadastrlarynan tsifrlyq aqparat jáne memlekettik organdardyń ózge de málimetin kórsetetin jariia kadastrlyq karta arqyly "elektrondyq úkimet" veb-portalynan jer ýchaskelerine quqyq berýdiń elektron formaty engiziledi.
"Osy aýmaqtarda jer ýchaskesine quqyq berý protsesin avtomattandyrýǵa bailanysty jer komissiiasynyń institýty, sondai-aq ýákiletti organdardyń jer-kadastrlyq jospardy ázirleýi jáne bekitýi alyp tastalady", - delingen zań jobasynda.
