فوتو: pixabay
قازاقستاندا جەر ۋچاسكەلەرٸنە قۇقىق بەرۋدٸڭ ەلەكترون فورماتى ەنگٸزٸلگەننەن كەيٸن جەر كوميسسييالارى ينستيتۋتى الىپ تاستالادى. مۇنداي زاڭ جوباسىن سەنات قابىلدادى, - دەپ حابارلايدى Tengrinews.kz سايتى.
سەنات دەپۋتاتتارى "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە بٸرىڭعاي مەملەكەتتٸك جىلجىمايتىن مٷلٸكتٸڭ كاداسترى شەڭبەرٸندە مەملەكەتتٸك كٶرسەتٸلەتٸن قىزمەتتەردٸ تسيفرلاندىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىن ەكٸنشٸ وقىلىمدا قابىلدادى.
زاڭ جوباسىنىڭ ماقساتى جەر قاتىناستارى, جىلجىمايتىن مٷلٸككە قۇقىقتاردى تٸركەۋ جەنە قالا قۇرىلىسى سالاسىنداعى زاڭنامانى تسيفرلاندىرۋ جەنە وسى سالالارداعى مەملەكەتتٸك قىزمەتتەردٸ ەلەكترون فورماتقا كٶشٸرۋ ارقىلى جەتٸلدٸرۋ بولىپ تابىلادى.
اتاپ ايتقاندا, رەسپۋبليكالىق ماڭىزى بار قالالار, استانا, وبلىستىق جەنە اۋداندىق ماڭىزى بار قالالاردىڭ جەرلەرٸ شەگٸندە جەر, قۇقىق, قالا قۇرىلىسى كاداسترلارىنان تسيفرلىق اقپارات جەنە مەملەكەتتٸك ورگانداردىڭ ٶزگە دە مەلٸمەتٸن كٶرسەتەتٸن جارييا كاداسترلىق كارتا ارقىلى "ەلەكتروندىق ٷكٸمەت" ۆەب-پورتالىنان جەر ۋچاسكەلەرٸنە قۇقىق بەرۋدٸڭ ەلەكترون فورماتى ەنگٸزٸلەدٸ.
"وسى اۋماقتاردا جەر ۋچاسكەسٸنە قۇقىق بەرۋ پروتسەسٸن اۆتوماتتاندىرۋعا بايلانىستى جەر كوميسسيياسىنىڭ ينستيتۋتى, سونداي-اق ۋەكٸلەتتٸ ورگانداردىڭ جەر-كاداسترلىق جوسپاردى ەزٸرلەۋٸ جەنە بەكٸتۋٸ الىپ تاستالادى", - دەلٸنگەن زاڭ جوباسىندا.
