Foto: Aqorda
Bul týraly AQSh-taǵy Aq úige Qazaqstan prezidenti Qasym-Jomart Toqaev pen Ortalyq Aziianyń taǵy tórt eliniń basshylary saparmen barǵan kezde jariialandy, dep habarlaidy Ult.kz.
AFP agenttiginiń habarlaýynsha, bul — Taiaý Shyǵysta beibitshilik ornatý baǵytyndaǵy amerikalyq prezidenttiń kúsh-jigerin qoldaýǵa arnalǵan negizinen simvoldyq qadam.
Ortalyq Aziia basshylary Aq úige kelgen soń, Donald Tramp Truth Social jelisinde onyń, Toqaevtyń jáne Izrail premer-ministri Biniamin Netaniahýdyń «tamasha áńgime ótkizgenin» jazdy. Tramptyń aitýynsha, kelisimge qol qoiý rásimi jaqyn ýaqytta jariialanatyn bolady.
Keiinirek Qazaqstan biligi bul sheshimdi «tabiǵi jáne qisyndy qadam» dep atady.
"Bizdiń Avraam kelisimderine qosylýymyz — Qazaqstannyń syrtqy saiasi baǵytynyń tabiǵi ári qisyndy jalǵasy. Bul baǵyt dialogqa, ózara qurmetke jáne óńirlik turaqtylyqqa negizdelgen", — delingen úkimet málimdemesinde.
Qazaqstan — 2020 jyly Birikken Arab Ámirlikteri, Bahrein jáne Marokko Izrailmen qatynastardy qalypqa keltirgennen beri bul bastamaǵa qosylatyn alǵashqy aziialyq memleket bolmaq.
