Qazaqstan Respýblikasy Syrtqy ister ministrligi AQSh-tyń Taiaý Shyǵystaǵy ahýaldy turaqtandyrý jónindegi bastamasyna qatysty túsinikteme berdi.
Qazaqstan halyqaralyq qaýymdastyqtyń Taiaý Shyǵystaǵy ahýaldy turaqtandyrýǵa baǵyttalǵan kúsh-jigerin barynsha qoldaidy.
«Aq úidiń Izrail men HAMAS arasyndaǵy atysty toqtatý, kepilge alynǵan adamdardy bosatý, gýmanitarlyq kómekti qamtamasyz etý, sondai-aq halyqaralyq qoǵamdastyqtyń qoldaýymen Gaza sektoryn qalpyna keltirý jaily negizgi erejelerden turatyn beibitshilik bastamasyn quptaimyz.
Usynylǵan sharalar júzege asyrylǵan jaǵdaida, olar beibit turǵyndardyń qazasy men qurbandar sanyn toqtatýǵa múmkindik beredi, sondai-aq óńirde beibitshilik ornaýynyń alǵysharty bola alady degen úmit bildiremiz», — dep jazdy vedomstvodan.
Elimizdiń SIM uzaq jylǵa sozylǵan qaqtyǵystyń jalǵyz sheshimi retinde «eki halyq úshin eki memleket» formýlasy negizinde astanasy Shyǵys Ierýsalim dep belgilengen Palestina memleketin qurý týraly Qazaqstannyń myzǵymas ustanymyn rastaǵan.
