قازاقستان رەسپۋبليكاسى سىرتقى ٸستەر مينيسترلٸگٸ اقش-تىڭ تاياۋ شىعىستاعى احۋالدى تۇراقتاندىرۋ جٶنٸندەگٸ باستاماسىنا قاتىستى تٷسٸنٸكتەمە بەردٸ.
قازاقستان حالىقارالىق قاۋىمداستىقتىڭ تاياۋ شىعىستاعى احۋالدى تۇراقتاندىرۋعا باعىتتالعان كٷش-جٸگەرٸن بارىنشا قولدايدى.
«اق ٷيدٸڭ يزرايل مەن حاماس اراسىنداعى اتىستى توقتاتۋ, كەپٸلگە الىنعان ادامداردى بوساتۋ, گۋمانيتارلىق كٶمەكتٸ قامتاماسىز ەتۋ, سونداي-اق حالىقارالىق قوعامداستىقتىڭ قولداۋىمەن گازا سەكتورىن قالپىنا كەلتٸرۋ جايلى نەگٸزگٸ ەرەجەلەردەن تۇراتىن بەيبٸتشٸلٸك باستاماسىن قۇپتايمىز.
ۇسىنىلعان شارالار جٷزەگە اسىرىلعان جاعدايدا, ولار بەيبٸت تۇرعىنداردىڭ قازاسى مەن قۇرباندار سانىن توقتاتۋعا مٷمكٸندٸك بەرەدٸ, سونداي-اق ٶڭٸردە بەيبٸتشٸلٸك ورناۋىنىڭ العىشارتى بولا الادى دەگەن ٷمٸت بٸلدٸرەمٸز», — دەپ جازدى ۆەدومستۆودان.
ەلٸمٸزدٸڭ سٸم ۇزاق جىلعا سوزىلعان قاقتىعىستىڭ جالعىز شەشٸمٸ رەتٸندە «ەكٸ حالىق ٷشٸن ەكٸ مەملەكەت» فورمۋلاسى نەگٸزٸندە استاناسى شىعىس يەرۋساليم دەپ بەلگٸلەنگەن پالەستينا مەملەكەتٸن قۇرۋ تۋرالى قازاقستاننىڭ مىزعىماس ۇستانىمىن راستاعان.
