«Qazaqstan Ipotekalyq Kompaniiasy» IU» AQ-nyń Direktorlar keńesi quramyndaǵy ózgerister boldy, dep habarlaidy "Ult aqparat" kompaniianyń baspasóz qyzmetine silteme jasap.
«13 naýryzda «Qazaqstan Ipotekalyq Kompaniiasy» IU» AQ jalǵyz aktsioneriniń («Báiterek» Ulttyq basqarýshy holdingi» AQ-nyń enshiles uiymy) sheshimi boiynsha Direktorlar keńesiniń múshesi Iatseka Bjezinskidiń ókilettigi merziminen buryn toqtatyldy. Jańa táýelsiz direktor men Direktorlar keńesiniń múshesi bolyp Asqar Elemesov taǵaiyndaldy», delingen habarlamada.
Asqar Raýshanuly M. Lomonosov atyndaǵy Máskeý memlekettik ýniversitetiniń ekonomikalyq fakýltetin jáne Sent-Lýis qalasyndaǵy Vashington ýniversitetin «Iskeri ákimshilendirý» baǵyty boiynsha támamdaǵan.
Ártúrli jyldary basshy jáne jetekshi qyzmetterin atqarǵan, qarjylyq qyzmetter kórsetý salasynda 25 jyl tabysty jumys istegen.
2004-2006 jyldary arasynda QR Ulttyq banki tóraǵasynyń orynbasary qyzmetin atqarǵan.
2006 jyly aqpannan qarasha aiyna deiin QR Qarjy ministrliginde vedomstvonyń strategiialyq damý máselelerine jetekshilik etetin vitse-ministri qyzmetin atqardy.
