Qazaqstan ipotekalyq kompaniiasy muǵalim men dárigerdiń turǵyn úi máselesin sheshý úshin jeke joba ázirledi, dep habarlaidy "Ult aqparat".
Joba týraly «Qazaqstan ipotekalyq kompaniiasy» IU»AQ klientterge qyzmet kórsetý bóliminiń basshysy Ásel Káketaeva Nur-Sultan qalasy ákimdiginiń onlain baspasóz máslihatynda aityp berdi.
Jańa joba boiynsha muǵalimder jáne dárigerlerge turǵyn úi berý berý baǵdarlamasynyń jańa tártibi men úidiń quny anyqtalǵan.
«Qazaqstan ipotekalyq kompaniiasy 2015 jyldan bastap 4 jyl shamasynda 18 500-den astam jalǵa alýshy arasynda 1 mln sharshy metrden astam úi jalǵa berdi. Osy áleýmettik baǵdarlamany tabysty júzege asyrý arqasynda kompaniia muǵalimder men dárigerlerdiń turǵyn úi máselesin sheshý úshin baǵdarlamanyń jeke jobasyn ázirlep, usyndy», - deidi Ásel Káketaeva.
Onyń aitýynsha, osy jobany iske asyrý barysynda atalǵan kompaniia birneshe ministrlikpen kelisip, jańa jobaǵa qol qoiylǵan.
«Onyń ishinde QR Bilim jáne ǵylym ministrligi men QR Densaýlyq saqtaý ministrligimen birigip jańa joba bastadyq. Jańa joba boiynsha muǵalimder jáne dárigerlerge turǵyn úi berý berý baǵdarlamasynyń jańa tártibi men úidiń quny anyqtaldy. Taǵy bir aityp ótetin jaǵdai, 2019 jyly Nur-Sultan qalasy ákimdigi muǵalimder men dárigerlerge 244 páter berýge sheshim qabyldanǵan. Bizdiń baǵdarlamaǵa qatysý úshin úmitkerler jumys ornyna qajetti qujatyn tapsyrady. Qatysýshylardyń tizimi ákimdik pen ministrlikte qaralady. Negizgi tizimder, tólem qabilettiligi «Qazaqstan ipotekalyq kompaniiasynda» qaralady», - deidi ol.
Sondai-aq, ol baǵdarlamanyń negizgi talaptaryn atap ótti.
«Satyp alý quqyǵymen jalǵa alý merzimi 20 jylǵa deiin. Bastapqy jarna talap etilmeidi. Turǵyn úi jaldaý merzimi aiaqtalǵannan keiin úi jalǵa alýshynyń menshigine ótedi. Kez kelgen jalǵa beriletin turǵyn úidi merziminen buryn satyp alý usynylady. Tólem qabileti rastalǵan jaǵdaida kompaniianyń saityna kirip, jalǵa alǵyńyz keletin páterdi tańdaýǵa bolady», - deidi Ásel Káketaeva.
