Muhtar Jumaǵazyuly Kereibaev «Qazaqstan Injiniring» UK» AQ Basqarma tóraǵasy qyzmetine taǵaiyndaldy, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Muhtar Jumaǵazyuly 1964 jylǵy 6 qazanda Semei oblysynda dúniege kelgen. Almaty injener jáne temirjol kóligi institýtynda «injener-mehanik» mamandyǵy, Qazaq gýmanitarlyq zań akademiiasynda «quqyqtaný» mamandyǵy boiynsha bilim alǵan.
1986-1991 jyldary Semei lokomotiv deposynda sheber jáne óndiris bastyǵy bolyp jumys istedi.
2000-2007 jyldary «Rezerv» RMK-da: Semei filialynda menedjer jáne basqarýshy, «Balqash» filialynyń direktory, Astana qalasy boiynsha «Rezerv» RMK bas direktorynyń birinshi orynbasary jáne bas direktory laýazymdaryn atqardy.
2010-2015 jyldary «Tynys» AQ zaýytynyń Bas direktory qyzmetin atqardy. Ol qosarlanǵan maqsattaǵy ónim óndirýmen jáne azamattyq saladaǵy óndirispen ainalysady.
2015-2017 jyldary Astana qalasy ákimdiginiń birqatar vedomstvolyq baǵynysty uiymdaryn basqardy.
2020 jyldan bastap «Qazaqstan Injiniring» UK» AQ Basqarma múshesi, Basqarma tóraǵasynyń orynbasary laýazymynda qyzmet isteidi.
2021 jylǵy naýryzdan bastap «Qazaqstan Injiniring» UK» AQ Basqarma tóraǵasynyń mindetin atqarýshy boldy.
Kereibaev Muhtar Jumaǵazyuly «Qurmet» ordenimen marapattalǵan.
