"Qazaqstan injiniring" ulttyq kompaniiasy" AQ basqarmasy tóraǵasynyń burynǵy orynbasary Qanat Sultanbekov eki aiǵa qamaýǵa alyndy, - dep habarlady Astana qalalyq sot baspasóz qyzmeti.
"Esil aýdany №2 sot sheshimimen, bultartpaý sharasy retinde eki aiǵa qamaýǵa alyndy, iaǵni 16 sáýirge deiin", — dep habarlady sotta.
Sultanbekov Astanada 22 aqpan kúni ustalǵan bolatyn. Qylmystyq istiń qai bap boiynsha qozǵalǵandyǵy áli habarlanǵan joq. Ulttyq kompaniia saity Sultanbekovtiń ókilettigi merziminen buryn toqtatylǵanyn málimdedi.
Qanat Sultanbekov buryndary Astana jáne Almaty qalalary ákiminiń orynbasary qyzmetterin atqarǵan, "Almatyqalaqurylysynda" injener, bas injener bolyp jumys istegen, sonymen qatar "Astana Halyqaralyq áýejaiy" AQ direktorlar keńesiniń tóraǵasy qyzmetin atqarǵan. Bilimi boiynsha – qurylysshy injener. "Qazaqstan Injiniring" ulttyq kompaniiasy 2003 jyly qurylǵan. Qazirgi ýaqytta kompaniianyń jalǵyz aktsioneri bolyp"Samuryq Qazyna" Ulttyq ál-aýqat qory" AQ tabylady. 2010 jylǵy sáýirden bastap kompaniia QR qorǵanys ministrliginiń basqarýynda.
