Úkimet qaýlysymen Áset Qabiuly Qurmanǵaliev QR qorǵanys jáne aeroǵarysh ónerkásibi vitse-ministri qyzmetinen bosatylyp, direktorlar keńesiniń sheshimimen «Qazaqstan Injiniring» UK» AQ basqarma tóraǵasy laýazymyna taǵaiyndaldy.
Áset Qurmanǵaliev 1965 jyly Qaraǵandy oblysynda dúniege kelgen. 1993 jyly Bóketov atyndaǵy Qaraǵandy memlekettik ýniversitetin «zańger» mamandyǵy boiynsha támamdaǵan.
Eńbek jolyn 1983 jyly bastaǵan. Ár jyldary memlekettik organdar qurylymy men kommertsiialyq kásiporyndarda qyzmet etken.
1998 jyly QR Qorǵanys ministrliginiń Qujattaý departamentiniń quqyqtyq qamtamasyz etý qyzmetiniń ofitseri bolyp taǵaiyndalǵan.
1998–2005 jyldary QR qorǵanys ministriniń apparatynda jumys istedi.
2005–2008 jyldary — QR Qorǵanys ministrliginiń zań departamentiniń basshysy.
2008–2009 jyldary «Nur Otan» HDP» QB-de: ortalyq apparattyń zań departamentiniń direktory, QR Parlamenti Májilisindegi «Nur Otan» fraktsiiasynyń apparat basshysy bolyp eńbek etken.
2009 jyly — QR Qorǵanys ministrliginiń apparat basshysy, alqa hatshysy.
2010–2011 jyldary QR qorǵanys ministriniń orynbasary qyzmetin atqardy.
2011–2017 jyldary «Qazarnaýlyeksport» RMK bas direktorynyń ý.m.a., bas direktory, Astana qalasy Aýyl sharýashylyǵy basqarmasynyń basshysy qyzmetterin atqarǵan.
2017 jyldan bastap QR qorǵanys jáne aeroǵarysh ónerkásibi vitse-ministri laýazymyn atqardy.
.jpeg)