Foto:elements.envato.com
Qazaqstandyq quqyq qorǵaý qyzmetkerleri AQSh-tyń Ádilet ministrligine qazaqstandyq iri kompaniialardy atap, alaiaqtyq hat jiberý deregi boiynsha suranys jasady, - dep habarlaidy Tengrinews.kz.
"Jelide, onyń ishinde áleýmettik jelilerde jáne messendjerlerde túrli jobalardyń jarnamasy belsendi túrde taralyp jatyr, onda salymdar birneshe ese paida ákeletini aitylǵan. Qazaqstandyq ulttyq kompaniialarǵa investitsiialar joǵary tabys ákeletini aitylǵan aqparat tarap jatyr. Domen ataýlaryn tekserý barysynda bul saittardyń mazmuny birdei ekeni jáne olar AQSh-ta tirkelgeni anyqtaldy", - dedi IIM brifinginde vedomstvo ókili Shuǵyla Turlybek.
Tekserý barysynda mundai saittardyń biri tirkeý formasy ornalastyrylǵan basty betten turatyny, sodan keiin tirkeýden sátti ótý jáne jeke shot qurý týraly mátini bar bet ashylatyny anyqtalǵan.
"Sait fishing ekeni jáne azamattardyń derbes derekterin jinaýǵa arnalǵan dep paiymdaýǵa negiz bar. Resýrs ielerin anyqtaý úshin AQSh Ádilet ministrligine tiisti suraý jiberildi", - dep túsindirdi Turlybek.
