Direktorlar keńesiniń sheshimimen Azamat Baiqýanyshuly Batyrqoja «Qazaqstan Ǵarysh Sapary» ulttyq kompaniiasy» aktsionerlik qoǵamynyń basqarma tóraǵasy laýazymyna taǵaiyndaldy, dep habarlaidy "Ult aqparat".
Azamat Batyrqoja 1972 jyly Kókshetaý oblysynda dúniege kelgen.
1993 jyly N. I. Krylov atyndaǵy Raketa áskeriniń Harkov joǵary áskeri komandalyq-injenerlik ýchilishesin, 2005 jyly «Turan-Astana» ýniversitetin támamdaǵan.
Eńbek jolyn 1994 jyly bastaǵan. Túrli jyldary korporativtik sektorda, QR Kólik jáne kommýnikatsiialar ministrliginde, QR Ulttyq bankinde, «Qazaqtelekom» AAQ, L. N. Gýmilev atyndaǵy EUÝ-de, QR Indýstriia jáne jańa tehnologiialar ministrliginde, QR Premer-Ministriniń Keńsesinde, QR Bilim jáne ǵylym ministrliginde, «Samuryq-Qazyna» turaqty damý qorynda jumys istegen.
2010–2014 jyldary — Dúniejúzilik bank jobasy «Tehnologiialardy kommertsiialandyrý» jobany basqarý tobynyń direktory.
2014–2017 jyldary — QR IDM tehnologiialyq jáne innovatsiialyq damý departamentiniń direktory.
2017 jyldan bastap qazirgi tańǵa deiin «Sinergiia» ǵylymi-tehnikalyq ortalyǵy» JShS-de direktor qyzmetin atqarǵan.
