Biologiialyq qaýipsizdik problemalary ǵylymi-zertteý institýtynyń ǵalymdary birqatar aýrýǵa qarsy vaktsina ázirlemek. Bul týraly búgin Úkimet otyrysynda atalǵan institýttyń bas direktory Kúnsulý Zakaria aitty, dep habarlaidy QazAqparat.
«Institýt ǵalymdary bolashaqta jańa diagnostikalyq jáne profilaktikalyq preparattardy, onyń ishinde aýsylǵa, kontagiozdy plevropnevmoniiaǵa, kúiis qaiyratyn usaq janýarlardyń obasyna, Niýkasl aýrýyna jáne basqalaryna qarsy vaktsina ázirleýdi josparlap otyr», - dedi institýt basshysy.
Onyń dereginshe, búginde institýt qurylymyna bioqaýipsizdiktiń 2 jáne 3-deńgeiindegi 13 ǵylymi zerthana kiredi.
Onda 280 ǵylymi qyzmetker jáne jetekshi virýsolog, biolog, biotehnolog ǵalymdar (akademikter, ǵylym doktorlary men kandidattary, PhD) eńbek etedi.
«Institýtta mikroaǵzalar men virýstardyń sirek kezdesetin erekshe jiyntyǵy bar. Halyqaralyq yntymaqtastyq aiasynda asa qaýipti infektsiialarǵa qarsy vaktsinalardy ázirleý týraly DDU-ymen memorandýmǵa qol qoiyldy. Institýt ǵalymdary asa qaýipti infektsiialarǵa qarsy otandyq vaktsinanyń jáne basqa da biopreparattardyń 70-ten astam túrin ázirlep, engizdi», - dedi Kúnsulý Zakaria.
