Foto: QFF resmi saity
Fýtboldan 19 jasqa deiingi 2026-2027 jylǵy Eýropa chempionatyn Almaty men Shymkentte ótkizýge ótinim berildi. Bul týraly Qazaqstan fýtbol federatsiiasynyń basshysy Ádilet Barmenqulov málimdedi, dep habarlaidy Sputnik Qazaqstan.
"Qazaqstan fýtbol federatsiiasy men FIFA, ÝEFA arasyndaǵy yntymaqtastyqtyń keleshegi zor. 2022 jyly ÝEFA 19 jasqa deiingi qyzdar arasyndaǵy 2022-2023 jylǵy Eýropa chempionatynyń irikteý týrniriniń matchtaryn Almatyda ótkizýdi Qazaqstanǵa senip tapsyrdy. Bul bizdiń halyqaralyq is-sharalardy sapaly uiymdastyrýǵa qabiletti ekenimizdi dáleldeidi", - dedi Barmenqulov.
Ol sondai-aq aldaǵy ýaqytta fýtboldan Eýropa chempionaty Qazaqstanda ótýi múmkin ekenin aitty.
"Biz álemdik fýtbol arenasynda óz pozitsiiamyzdy nyǵaitýǵa belsendi túrde umtylyp jatyrmyz. Fýtboldan 19 jasqa deiingi 2026-2027 jylǵy Eýropa chempionatyn Almaty men Shymkentte ótkizýge ótinim berildi. Bul suraqtyń jaýaby osy jyldyń qyrkúiek aiynda belgili bolady dep kútilip otyr", - dedi federatsiia basshysy.
