فوتو: قفف رەسمي سايتى
فۋتبولدان 19 جاسقا دەيٸنگٸ 2026-2027 جىلعى ەۋروپا چەمپيوناتىن الماتى مەن شىمكەنتتە ٶتكٸزۋگە ٶتٸنٸم بەرٸلدٸ. بۇل تۋرالى قازاقستان فۋتبول فەدەراتسيياسىنىڭ باسشىسى ەدٸلەت بارمەنقۇلوۆ مەلٸمدەدٸ, دەپ حابارلايدى Sputnik قازاقستان.
"قازاقستان فۋتبول فەدەراتسيياسى مەن فيفا, ۋەفا اراسىنداعى ىنتىماقتاستىقتىڭ كەلەشەگٸ زور. 2022 جىلى ۋەفا 19 جاسقا دەيٸنگٸ قىزدار اراسىنداعى 2022-2023 جىلعى ەۋروپا چەمپيوناتىنىڭ ٸرٸكتەۋ تۋرنيرٸنٸڭ ماتچتارىن الماتىدا ٶتكٸزۋدٸ قازاقستانعا سەنٸپ تاپسىردى. بۇل بٸزدٸڭ حالىقارالىق ٸس-شارالاردى ساپالى ۇيىمداستىرۋعا قابٸلەتتٸ ەكەنٸمٸزدٸ دەلەلدەيدٸ", - دەدٸ بارمەنقۇلوۆ.
ول سونداي-اق الداعى ۋاقىتتا فۋتبولدان ەۋروپا چەمپيوناتى قازاقستاندا ٶتۋٸ مٷمكٸن ەكەنٸن ايتتى.
"بٸز ەلەمدٸك فۋتبول ارەناسىندا ٶز پوزيتسييامىزدى نىعايتۋعا بەلسەندٸ تٷردە ۇمتىلىپ جاتىرمىز. فۋتبولدان 19 جاسقا دەيٸنگٸ 2026-2027 جىلعى ەۋروپا چەمپيوناتىن الماتى مەن شىمكەنتتە ٶتكٸزۋگە ٶتٸنٸم بەرٸلدٸ. بۇل سۇراقتىڭ جاۋابى وسى جىلدىڭ قىركٷيەك ايىندا بەلگٸلٸ بولادى دەپ كٷتٸلٸپ وتىر", - دەدٸ فەدەراتسييا باسشىسى.
