Qazaqstan Elshisi Ǵabit Syzdyqbekov Serbiia Respýblikasynyń Syrtqy ister ministri Nikola Selakovichpen kezdesti, dep habarlaidy QR SIM baspasóz qyzmeti.
Otandyq diplomat Nur-Sultan men Belgrad arasyndaǵy qarym-qatynastardyń dástúrli dostyq jáne senimdi sipatyn atap ótti.
Ǵ. Syzdyqbekov suhbattasýshysyn ú.j. 10 qańtarda ótken Qazaqstan Parlamenti Májilisine sailaý týraly, saiasi jáne ekonomikalyq salalardaǵy reformalardyń dáiektilikpen jalǵasýy, sonyń ishinde el Prezidenti Qasym-Jomart Toqaev jariialaǵan «halyq únine qulaq asatyn memleket» qaǵidatyn iske asyrý barysy týraly habardar etti.
Elshi aǵymdaǵy jyly eki el arasyndaǵy diplomatiialyq qatynastardyń ornaǵanyna 25 jyl tolatyndyǵyn, sondai-aq Qazaqstan Táýelsizdiginiń 30 jyldyq mereitoiy merekelenetinin atap ótti. Osyǵan bailanysty elshilik birqatar is-sharalar ótkizýdi josparlap otyrǵany jóninde jan-jaqty aqparat berdi.
Taraptar Qazaqstan men Serbiia arasynda tikelei áýe qatynasyn ashý qajettiligi máselesin talqylap, osy baǵyttaǵy jumysty kúsheitý týraly ýaǵdalastyqqa qol jetkizdi.
Ministr Eýraziialyq ekonomikalyq odaq (EAEO) pen Serbiia Respýblikasy arasyndaǵy erkin saýda týraly kelisimdi ratifikatsiialaǵany úshin Qazaqstanǵa óziniń shynaiy alǵysyn jetkizip, osy qujatty is júzinde júzege asyrý Serbiia men EAEO múshe memleketter, ásirese Qazaqstanmen ekonomikalyq yntymaqtastyqty jandandyrýǵa múmkindik beretinine senim bildirdi.
